July 11, 2020
July 11, 2020
ദോഹ : രണ്ടു ദിവസം മുമ്പ് ദോഹയിൽ മരണപ്പെട്ട കണ്ണൂർ കൂത്തുപറമ്പ് മുരിയാട് സ്വദേശി വരക്കൽ അരിപ്പയിൽ റമീസി(34)ന്റെ മൃതദേഹം ദോഹയിൽ ഖബറടക്കി.ഉംസയ്ദ് അൽ അഫ്ജ പ്രദേശത്ത് വഴിയിൽ കുഴഞ്ഞുവീണ് മരിച്ച നിലയിൽ രണ്ടു ദിവസം മുമ്പാണ് മൃതദേഹം കണ്ടെത്തിയത്. ഹൃദയാഘാതത്തെ തുടർന്നായിരുന്നു അന്ത്യം.
പാസ്പോർട്ട് സംബന്ധമായ ചില തടസ്സങ്ങളുണ്ടായിരുന്നതിനാൽ നടപടിക്രമങ്ങൾ പൂർത്തിയാക്കി ശനിയാഴ്ച ഇശാ നമസ്കാരത്തിന് ശേഷമാണ് മൃതദേഹം ഖബറടക്കിയത്.മൊബൈൽ ആക്സസറീസിന്റെ വിൽപന നടത്തി വരികയായിരുന്നു.
ഭാര്യ : സഫ്ന.മൂന്നു വയസ്സുള്ള ഒരു കുട്ടിയുണ്ട്. തോട്ടത്തിൽ അസീസ്,സൈനബ ദമ്പതികളുടെ മകനാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക