January 01, 2020
January 01, 2020
5.503 ഗ്രാം ഹഷീഷാണ് പിടികൂടിയത്
ദോഹ : ദോഹ രാജ്യാന്തര വിമാനത്താവളം വഴി ചോക്ലേറ്റ് ബാറിനുള്ളിൽ ഒളിപ്പിച്ച് ഹഷീഷ് മയക്കുമരുന്ന് കടത്താനുള്ള ശ്രമം കസ്റ്റംസ് അധികൃതർ പിടികൂടി. അഞ്ചര കിലോയിലധികം ഹഷീഷാണ് ഡയറി മിൽക്ക് ചോക്ലേറ്റ് ബാറുകൾക്കുള്ളിൽ ഒളിപ്പിച്ച നിലയിൽ അധികൃതർ പിടികൂടിയത്. ഇതിന്റെ വീഡിയോ ദൃശ്യം കസ്റ്റംസ് അതോറിറ്റി ട്വിറ്ററിൽ പങ്കുവെച്ചിട്ടുണ്ട്.
മയക്കുമരുന്ന് ഉൾപ്പെടെയുള്ള അനധികൃത വസ്തുക്കൾ രാജ്യത്തേക്ക് കൊണ്ടുവരുന്നതിനെതിരെ അധികൃതർ തുടർച്ചയായി മുന്നറിയിപ്പ് നൽകുന്നതിനിടെയാണ് വീണ്ടും മയക്കുമരുന്ന് പിടികൂടിയത്. ഇത്തരം കള്ളക്കടത്തുകൾ തടയാൻ യാത്രക്കാരുടെ ശരീരഭാഷ മനസിലാക്കി പ്രതികളെ തിരിച്ചറിയാനുള്ള റോബോട്ടിക് സംവിധാനം ഉൾപ്പെടെ അത്യാധുനിക സംവിധാനങ്ങളാണ് ഹമദ് രാജ്യാന്തര വിമാനത്താവളത്തിലുള്ളത്. കഴിഞ്ഞ ആഴ്ച ദോഹ തുറമുഖം വഴി അനധികൃതമായി രാജ്യത്തേക്ക് കടത്താൻ ശ്രമിച്ച വൻ മയക്കുമരുന്ന് ശേഖരം കസ്റ്റംസ് അധികൃതർ പിടികൂടിയിരുന്നു.