March 17, 2020
March 17, 2020
ദോഹ : രാജ്യത്തേക്ക് കടത്താൻ ശ്രമിച്ച രണ്ടര കിലോ ഹഷീഷ് മയക്കുമരുന്ന് ദോഹ ഹമദ് രാജ്യാന്തര വിമാനത്താവളത്തിൽ കസ്റ്റംസ് അധികൃതർ പിടികൂടി.തെർമോകോൾ ഐസ് ബോക്സിൽ ഒളിപ്പിച്ചാണ് മയക്കുമരുന്ന് കടത്താൻ ശ്രമിച്ചത്.ഇതിന്റെ വീഡിയോ കസ്റ്റംസ് വിഭാഗം സമൂഹമാധ്യമങ്ങളിൽ പങ്കുവെച്ചു. ഏഷ്യൻ രാജ്യത്ത് നിന്ന് എത്തിയ യാത്രക്കാരനെയാണ് അറസ്റ്റ് ചെയ്തത്.
അനധികൃത വസ്തുക്കൾ രാജ്യത്തേക്ക് കൊണ്ടുവരുന്നതിനെതിരെ കസ്റ്റംസും ആഭ്യന്തര മന്ത്രാലയവും നിരന്തരം മുന്നറിയിപ്പ് നൽകുന്നുണ്ട്. ഇത്തരം അനധികൃത കള്ളക്കടത്ത് തടയാൻ അത്യാധുനിക ഉപകരണങ്ങൾ ദോഹാ ഹമദ് രാജ്യാന്തര വിമാനത്താവളത്തിൽ സജ്ജമാണ്. ഇതിന് പുറമെ യാത്രക്കാരുടെ ശരീര ഭാഷ മനസിലാക്കി കുറ്റവാളികളെ പിടികൂടാൻ കസ്റ്റംസ് വിഭാഗം ഉദ്യോഗസ്ഥർക്ക് പ്രത്യേക പരിശീലനവും നൽകുന്നുണ്ട്.
ന്യൂസ്റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന നമ്പറിലേക്ക് സന്ദേശം അയക്കുക.