January 10, 2022
January 10, 2022
ദോഹ : കോവിഡിന്റെ മൂന്നാം തരംഗം കുവൈത്തിലും ഖത്തറിലും ശക്തമാവുന്നതായി കണക്കുകൾ. ഇരു രാജ്യങ്ങളിലും ഓരോ ദിനവും പുതിയ രോഗികളുടെ എണ്ണത്തിൽ റെക്കോർഡ് വർധനവാണ് രേഖപ്പെടുത്തുന്നത്.
കഴിഞ്ഞ വർഷത്തിന്റെ അവസാന മാസങ്ങളിൽ അൻപതിൽ താഴെ ആയിരുന്നു കുവൈത്തിലെ പ്രതിദിന കോവിഡ് കേസുകൾ. ഇന്നലെ രാജ്യത്ത് റിപ്പോർട്ട് ചെയ്യപ്പെട്ടത് 2999 കേസുകൾ. 2021 ജൂലൈയിൽ 1993 കേസുകൾ റിപ്പോർട്ട് ചെയ്യപ്പെട്ട കുവൈത്തിൽ, 2022 ജനുവരിയിൽ നാല് തവണ രണ്ടായിരത്തിന് മുകളിൽ പുതിയ കേസുകൾ റിപ്പോർട്ട് ചെയ്യപ്പെട്ടു കഴിഞ്ഞു.
ഖത്തറിലെ സ്ഥിതിഗതികളും സമാനമാണ്. 2.8 മില്യൺ മാത്രം ജനസംഖ്യയുള്ള രാജ്യത്ത് ഇക്കഴിഞ്ഞ ശനിയാഴ്ച്ച റിപ്പോർട്ട് ചെയ്യപ്പെട്ടത് 3487 പുതിയ കോവിഡ് ബാധയാണ്. ആകെ നടത്തിയ ടെസ്റ്റുകളിൽ 10 ശതമാനവും പോസിറ്റീവ് ആയി. 2020 മെയ് മാസത്തിൽ റിപ്പോർട്ട് ചെയ്യപ്പെട്ട 2355 ആയിരുന്നു ഖത്തറിലെ ഇതുവരെയുള്ള റെക്കോർഡ്. എന്നാൽ, മൂന്നാം തരംഗത്തിൽ ദിനേനയുള്ള സമ്പർക്കരോഗികളുടെ എണ്ണം പോലും രണ്ടായിരം കടക്കുന്നുവെന്ന വസ്തുത രാജ്യത്ത് ആശങ്കയുളവാക്കുന്നു.