January 22, 2020
January 22, 2020
ദോഹ : മേഖലയിൽ മർദം കൂടുന്നതിനാൽ ഖത്തറിൽ ഞായറാഴ്ച മുതൽ തണുപ്പ് കൂടുമെന്ന് കാലാവസ്ഥാ വിഭാഗം അറിയിച്ചു. ഞായർ-തിങ്കൾ ദിവസങ്ങളിൽ വടക്കു പടിഞ്ഞാറൻ കാറ്റ് വീശാനും സാധ്യതയുണ്ട്.
തണുപ്പ് കൂടിയ കാലാവസ്ഥ ദിവസങ്ങളോളം നീണ്ടുനിൽക്കാൻ ഇടയുണ്ടെന്നാണ് കാലാവസ്ഥാ റിപ്പോർട്ടിൽ പറയുന്നത്. കാറ്റുണ്ടാകാൻ സാധ്യതയുള്ളതിനാൽ കടലുമായി ബന്ധപ്പെട്ടു പ്രവർത്തിക്കുന്നവർ ജാഗ്രത പാലിക്കണമെന്നും സമൂഹ മാധ്യമങ്ങളിലെ ഔദ്യോഗിക അക്കൗണ്ടുകൾ വഴി പ്രസിദ്ധീകരിക്കുന്ന നിർദേശങ്ങൾ പിന്തുടരണമെന്നും കാലാവസ്ഥാ വിഭാഗം നിർദേശിച്ചു.