April 09, 2022
April 09, 2022
റിയാദ് : ഗൾഫ് എയർ വിമാനസർവീസിന്റെ പുതിയ ബാഗേജ് നിയമം പ്രവാസികളെ കുരുക്കിലാക്കിയതായി ആക്ഷേപം. മാർച്ച് 28 ന് പുറത്തിറക്കിയ പുതിയ സർക്കുലർ പ്രകാരം, കാർഡ് ബോർഡ് പെട്ടികളിൽ ലഗേജ് കൊണ്ടുപോവാൻ അനുവദിക്കില്ല എന്നാണ് ഗൾഫ് എയറിന്റെ നിലപാട്. എന്നാൽ, ഇത്തരമൊരു നിയമത്തെ പറ്റി അറിയിച്ചിട്ടില്ലെന്ന് പ്രവാസികൾ പ്രതികരിച്ചു.
പുതിയ നിയമം അറിയാതെ കാർഡ് ബോർഡ് പെട്ടിയിലെ ലഗേജുമായി വിമാനത്താവളത്തിൽ എത്തുന്ന യാത്രക്കാർ ഒന്നുകിൽ ലഗേജ് ഉപേക്ഷിക്കുകയോ, അല്ലെങ്കിൽ സൂട്ട്കേസ് സംഘടിപ്പിച്ച് ലഗേജ് അതിലേക്ക് മാറ്റുകയോ ചെയ്യണം. വിമാനത്താവളത്തിനുള്ളിൽ സൂട്ട്കേസ് സംഘടിപ്പിക്കുക എളുപ്പമല്ലാത്തതിനാൽ പലരും ലഗേജ് ഉപേക്ഷിക്കേണ്ട അവസ്ഥയാണ് നിലവിൽ. ഇന്ത്യൻ സെക്ടറിലെ യാത്രക്കാർക്ക് മാത്രമായാണ് ഗൾഫ് എയർ ഇത്തരമൊരു സർക്കുലർ ഇറക്കിയിരിക്കുന്നത്.