November 15, 2021
November 15, 2021
അഗർത്തല : മുസ്ലിംകൾക്കെതിരെ സംഘപരിവാരം അഴിച്ചുവിട്ട ആക്രമണങ്ങൾ റിപ്പോർട്ട് ചെയ്ത രണ്ട് റിപ്പോർട്ടർമാർക്കെതിരെ കേസ്. എച്ച് ഡബ്ല്യൂ ന്യൂസ് നെറ്റ് വർക്കിലെ മാധ്യമപ്രവർത്തകരായ സമൃദ്ധി കെ ശകുനിയ, സ്വർണ എന്നിവർക്കെതിരെയാണ് വിശ്വഹിന്ദു പരിഷത്ത് നേതാവിന്റെ പരാതി പ്രകാരം കേസെടുത്തത്.
ഇവർ താമസിച്ചിരുന്ന ഹോട്ടലിലേക്ക് ഇരച്ചുകയറിയ പോലീസ് ഇരുവരെയും കസ്റ്റഡിയിൽ എടുത്തു. അസമിലെ കരിംഗഞ്ചിലെ നിലംബസാർ സ്റ്റേഷനിലാണ് നിലവിൽ ഇരുവരുമുള്ളത്. മതസൗഹാർദ്ദം തകർക്കാൻ ശ്രമിച്ചു, സമാധാന അന്തരീക്ഷം തകർക്കാൻ അപവാദപ്രചരണം നടത്തി എന്നീ ആരോപണങ്ങളാണ് ഇവർക്കെതിരെ ഉന്നയിച്ചിട്ടുള്ളത്. ഐപിസി സെക്ഷൻ 120 ബി, 153 എ, 504 എന്നീ വകുപ്പുകളിൽ കേസ് രജിസ്റ്റർ ചെയ്തതായി പോലീസ് അറിയിച്ചു.