December 11, 2020
December 11, 2020
ദോഹ: തങ്ങളുടെ വിദ്യാര്ത്ഥികള്ക്ക് കൊവിഡ് പരിശോധന നടത്തുമെന്ന് ദോഹയിലെ എം.ഇ.എസ് ഇന്ത്യന് സ്കൂള് അറിയിച്ചു. കിന്റര് ഗാര്ഡന് മുതല് 12-ാം ക്ലാസ് വരെയുള്ള വിദ്യാര്ത്ഥികള്ക്കായി ഖത്തര് പൊതുജനാരോഗ്യ മന്ത്രാലയം സ്കൂളില് വച്ച് കൊവിഡ്-19 പരിശോധന നടത്തുമെന്ന് എം.ഇ.എസ് ഇന്ത്യന് സ്കൂള് വ്യാഴാഴ്ച രക്ഷിതാക്കള്ക്ക് അയച്ച സര്ക്കുലറില് പറഞ്ഞു.
പതിനാല് വയസു വരെ പ്രായമുള്ള കുട്ടികളുടെ ഉമിനീരാണ് പരിശോധിക്കുക. പതിനാല് വയസിന് മുകളില് പ്രായമുള്ള കുട്ടികള്ക്ക് സ്രവ പരിശോധനയും നടത്തും. -സര്ക്കുലറില് പറയുന്നു.
പരിശോധന നടക്കുന്ന തിയ്യതികള് പിന്നീട് അറിയിക്കും. താല്പ്പര്യമുള്ള കുട്ടികള് മാത്രം പരിശോധനയ്ക്ക് വന്നാല് മതിയാകും. പരിശോധന നിര്ബന്ധമല്ല. രക്ഷിതാക്കളുടെ സമ്മതപത്രം ഇല്ലാതെ കുട്ടികള്ക്ക് കൊവിഡ് പരിശോധന നടത്തില്ലെന്നും സ്കൂള് വ്യക്തമാക്കി.
എല്ലാ രക്ഷിതാക്കള്ക്കും സമ്മതപത്രം അയച്ചു കഴിഞ്ഞു. കുട്ടികളെ പരിശോധിക്കണമെന്ന് ആഗ്രഹിക്കുന്ന രക്ഷിതാക്കള് സമ്മതപത്രം പൂരിപ്പിച്ച് ഡിസംബര് 13 ന് മുമ്പ് അതാത് ക്ലാസ് അധ്യാപകരുടെ കൈവശം പി.ഡി.എഫ് രൂപത്തില് തിരികെ ഏല്പ്പിക്കണമെന്നും സ്കൂള് നിര്ദ്ദേശിച്ചു.
ന്യൂസ്റൂം വാർത്തകൾ വാട്ട്സ്ആപ്പിൽ മുടങ്ങാതെ ലഭിക്കാൻ +974 66200 167 എന്ന നമ്പറിൽ സന്ദേശം അയക്കുക: Click Here to Send Message
ന്യൂസ്റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.