November 12, 2021
November 12, 2021
മനാമ : കോവിഡ് വാക്സിനേഷൻ പൂർത്തിയാക്കാതെ രാജ്യത്തെത്തുന്നവർ സ്വന്തം താമസസ്ഥലത്ത് കൊറന്റൈനിൽ കഴിഞ്ഞാൽ മതിയെന്ന നിർദ്ദേശവുമായി ബഹ്റൈൻ ആഭ്യന്തരമന്ത്രാലയം. പത്ത് ദിവസത്തോളം ഹോട്ടലുകളിൽ നിർബന്ധിതകൊറന്റൈൻ വേണമെന്ന വ്യവസ്ഥയാണ് പിൻവലിച്ചത്. ഇതോടൊപ്പം, കോവിഡ് കൂടുതൽ ഉളള രാജ്യങ്ങളെ ഉൾക്കൊള്ളിച്ച് പുറത്തിറക്കിയ ചുവപ്പുപട്ടിക ഒഴിവാക്കിയതായും അധികൃതർ അറിയിച്ചു. നവംബർ 14 ഞായറാഴ്ച മുതലാണ് പുതിയ ഇളവുകൾ പ്രാബല്യത്തിൽ വരിക.
ബഹ്റൈനിലേക്ക് പ്രവേശിക്കാനുള്ള നടപടിക്രമങ്ങൾ ആരോഗ്യമന്ത്രാലയത്തിന്റെ വെബ്സൈറ്റ് സന്ദർശിച്ച് മനസിലാക്കണമെന്നും അധികൃതർ അറിയിച്ചു. ലോകാരോഗ്യസംഘടനയും ബഹ്റൈനും അംഗീകരിച്ച വാക്സിനുകൾ എടുത്ത് രാജ്യത്തെത്തുന്നവർ ആർടിപീസീആർ പരിശോധനഫലം ഹാജരാക്കേണ്ടതില്ല എന്നും അധികൃതർ കൂട്ടിച്ചേർത്തു.