June 23, 2021
June 23, 2021
വാഷിംഗ്ടണ്:മാധ്യമപ്രവര്ത്തകന് ജമാല് ഖഘോഷിയുടെ വധത്തില് യു.എസ സര്ക്കാരിനെതിരേ ഗുരുതര ആരോപണങ്ങളുമായി ന്യൂയോര്ക്ക് ടൈംസ് റിപ്പോര്ട്ട്. ഖഘോഷിയെ വധിച്ച സംഘത്തിലെ നാല് പേര്ക്ക് യു.എസ്. സ്റ്റേറ്റ് ഡിപ്പാര്ട്ട്മെന്റിന്റെ അംഗീകാരം ലഭിച്ച കേന്ദ്രങ്ങളില്
നിന്നും പരിശീലനം ലഭിച്ചിരുന്നതായാണ് ന്യൂയോര്ക്ക് ടൈംസ് റിപ്പോര്ട്ട് ചെയ്തത്. 2014ല് അന്നത്തെ പ്രസിഡന്റായിരുന്ന ബറാക് ഒബാമ അംഗീകാരം നല്കിയ അമേരിക്കയിലെ സ്വകാര്യ പരിശീലന ഗ്രൂപ്പിന് കീഴില് ഈ നാല് സഊദി ഏജന്റുമാര്ക്ക് പരിശീലനം ലഭിച്ചിരുന്നുവെന്നാണ് റിപ്പോര്ട്ടില് പറയുന്നത്. ഡൊണാള്ഡ് ട്രംപ് അധികാരത്തിലെത്തുന്നതുവരെ ഈ പരിശീലന കേന്ദ്രങ്ങള് പ്രവര്ത്തിച്ചിരുന്നെന്നും ന്യൂയോര്ക്ക് ടൈംസ് പറയുന്നു.
2018 ഒക്ടോബര് രണ്ടിന് ഇസ്താംബൂളിലെ സഊദി കോണ്സുലേറ്റില് എത്തിയ ജമാല് ഖഘോഷി കൊല്ലപ്പെടുകയായിരുന്നുവെന്നാണ് റിപ്പോര്ട്ട്.