December 07, 2021
December 07, 2021
ഫിഫ അറബ് കപ്പിൽ ഖത്തറിനും ഒമാനും ആധികാരിക വിജയം. ഇറാഖിനെ ഖത്തർ ഏകപക്ഷീയമായ മൂന്ന് ഗോളുകൾക്ക് മറികടന്നപ്പോൾ, അതേ സ്കോറിനാണ് ഒമാൻ ബഹ്റൈനെ വീഴ്ത്തിയത്. വിജയത്തോടെ ഒമാൻ ക്വാർട്ടറിലേക്ക് മുന്നേറി. ഖത്തർ നേരത്തെ തന്നെ ക്വാർട്ടർഫൈനലിൽ ഇടം ഉറപ്പിച്ചിരുന്നു.
ആദ്യ എൺപത് മിനിറ്റുകളിൽ ഗോൾ നേടാതിരുന്ന ഖത്തർ അവസാനമിനിറ്റുകളിൽ ഇറാഖ് ഗോൾമുഖത്തേക്ക് ഇരച്ചുകയറുകയായിരുന്നു. 12 മിനിറ്റുകളുടെ ഇടവേളയിലാണ് ആതിഥേയർ മൂന്ന് വട്ടം വല കുലുക്കിയത്. അൽമൊയീസ് അലി, അക്രം അഫീഫ്, ഹസ്സൻ ഖാലിദ് എന്നിവരാണ് ഗോളുകൾ നേടിയത്. മുൻസീർ അൽ അലവി, അർഷാദ് അൽ അലവി, ഖാലിദ് ഖലീഫ അൽ ഹജ്രി എന്നിവരാണ് ബഹ്റൈന് എതിരെ ഒമാന്റെ ഗോളുകൾ നേടിയത്. ഇന്ന് നടക്കുന്ന മത്സരത്തിൽ സൗദി മൊറോക്കോയെ നേരിടും.