January 12, 2020
January 12, 2020
ദോഹ : ഒമാൻ ഭരണാധികാരിയായി ചുമതലയേറ്റ സുൽത്താൻ ഹൈതം ബിൻ താരീഖ് അൽ സൈദുമായി ഖത്തർ അമീർ ഷെയ്ഖ് തമീം ബിൻ ഹമദ് അൽതാനി കൂടിക്കാഴ്ച നടത്തി. മുൻ ഭരണാധികാരി സുൽത്താൻ ബിൻ ഖാബൂസിന്റെ നിര്യാണത്തിൽ വ്യക്തിപരമായും തന്റെ രാജ്യത്തിന്റെയും അനുശോചനം അദ്ദേഹം സുൽത്താനെ അറിയിച്ചു.
ഇന്ന് വെളുപ്പിനാണ് ഖത്തർ അമീർ ഒമാനിൽ എത്തിയത്. ഉന്നത തല പ്രതിനിധി സംഘവും അമീറിനെ അനുഗമിച്ചിരുന്നു. ഒമാനിലെ സന്ദർശനം പൂർത്തിയാക്കിയ ശേഷം അമീർ തെഹ്‌റാനിലേക്ക് തിരിക്കും.
