March 01, 2021
March 01, 2021
ദോഹ: സൗദി അറേബ്യയുടെ കിരീടാവകാശിയും പ്രതിരോധമന്ത്രിയും ഉപപ്രധാനമന്ത്രിയുമായ മുഹമ്മദ് ബിന്‍ സല്‍മാനുമായി ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍താനി ഫോണില്‍ സംസാരിച്ചു. സൗദി കിരീടാവകാശിയുടെ ആരോഗ്യനിലയെ കുറിച്ചുള്ള വിവരങ്ങള്‍ അമീര്‍ തിരക്കി. സൗദിയിലെ ജനങ്ങള്‍ക്ക് ഖത്തര്‍ അമീര്‍ പുരോഗതിയും സമൃദ്ധിയും നേര്‍ന്നതായും അമീരി ദിവാന്‍ പുറത്തിറക്കിയ പ്രസ്താവനയില്‍ പറഞ്ഞു.
പ്രാദേശികവും അന്തര്‍ദേശീയവുമായ ഏറ്റവും പുതിയ സംഭവവികാസങ്ങളും ഇരു നേതാക്കളും ചര്‍ച്ച ചെയ്തു. അറബ്, ഗള്‍ഫ് സംയുക്ത പ്രവര്‍ത്തനങ്ങള്‍ പ്രോത്സാഹിപ്പിക്കുന്നതിനുള്ള തങ്ങളുടെ താല്‍പ്പര്യം ഫോണ്‍ സംഭാഷണത്തിനിടെ ഇരുവരും ഊന്നിപ്പറഞ്ഞു.
സൗദിയിലെ സര്‍ക്കാറിനും ജനങ്ങള്‍ക്കുമുള്ള പിന്തുണ അമീര്‍ ആവര്‍ത്തിച്ചു വ്യക്തമാക്കി. സൗദിയുടെ സുരക്ഷയും സ്ഥിരതയും പരമാധികാരവും വര്‍ധിപ്പിക്കാനുള്ള എല്ലാ പ്രവര്‍ത്തനത്തിനും ഖത്തറിന്റെ പിന്തുണ ഉണ്ടാകും. ജി.സി.സി സംവിധാനത്തിന്റെ അവിഭാജ്യ ഘടകമാണ് സൗദിയുടെ സ്ഥിരതയെന്നും അമീര്‍ സൗദി കിരീടാവകാശിയോട് പറഞ്ഞു.
ന്യൂസ് റൂം വാര്‍ത്തകള്‍ വാട്ട്‌സ്ആപ്പില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്‍ത്തകള്‍ ടെലിഗ്രാമില്‍ മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.
