December 17, 2020
December 17, 2020
ദോഹ : ഖത്തറിനെതിരായ ഉപരോധം അവസാനിപ്പിച്ചു ഗൾഫ്പ്രതിസന്ധിക്ക് വിരാമമാവുന്നതിന്റെ കൂടുതൽ സൂചനകൾ പുറത്തുവരുന്നു. ഗൾഫ് പ്രതിസന്ധി തുടങ്ങിയതിന് ശേഷം ഇതാദ്യമായി ഗൾഫ് രാജ്യങ്ങളിലെ അംബാസിഡർമാർ കുവൈത്തിൽ ഒരുമിച്ചുകൂടിയതായാണ് ഏറ്റവും പുതിയ റിപ്പോർട്ട്..
ജനുവരി അഞ്ചിന് റിയാദിൽ ചേരുന്ന ഗൾഫ് ഉച്ചകോടിയെ കുറിച്ച് ചർച്ചചെയ്യാൻ കുവൈത് വിദേശകാര്യ മന്ത്രി ഷെയ്ഖ് അഹ്മദ് നാസ്സർ അൽ സബാഹ് വിളിച്ചു ചേർത്ത യോഗത്തിലാണ് ആറ് അംബാസിഡർമാരും പങ്കെടുത്തത്. ഇതാദ്യമായാണ് ആറ് അംബാസിഡർമാരും ഒരു മേശക്കു ചുറ്റുമിരുന്ന്‌ സംസാരിക്കുന്നതെന്നും മന്ത്രാലയം പറഞ്ഞു.
അതേസമയം മൂന്നര വർഷമായി തുടരുന്ന ഗൾഫ് പ്രതിസന്ധിക്കു വിരാമം ഇടുമെന്ന് പ്രതീക്ഷിക്കുന്ന ഗൾഫ് ഉച്ചകോടി 2021 ജനുവരി അഞ്ചിന് സൗദി അറേബ്യൻ തലസ്ഥാനമായ റിയാദിൽ നടക്കുമെന്ന് അൽ ജസീറ റിപ്പോർട്ട് ചെയ്തു.
കുവൈത്തിൽ വെച്ച് നടന്ന യോഗത്തിൽ ആറ് ഗൾഫ് രാജ്യങ്ങളുടെയും ദേശീയ ദിനങ്ങൾ പ്രതീകാത്മകമായി ആഘോഷിച്ചതായും കുവൈത് വിദേശ കാര്യ മന്ത്രാലയം അറിയിച്ചു.
TELEGRAM
FACEBOOK PAGE
https://www.facebook.com/newsroomme
https://chat.whatsapp.com/LZ20WFU8hdbBkgtTcfkxq7
