December 23, 2021
December 23, 2021
കാഫ് സൂപ്പർ കപ്പിൽ ഈജിപ്ത്യൻ കരുത്തരായ അൽ അഹ്ലിക്ക് കിരീടം. അഹ്മദ് ബിൻ അലി സ്റ്റേഡിയത്തിൽ നടന്ന ഫൈനൽ മത്സരത്തിൽ മൊറോക്കൻ ക്ലബ്ബ് ആയ രാജ കാസാബ്ലാങ്കയെ ആണ് അൽ അഹ്ലി വീഴ്ത്തിയത്. നിശ്ചിതസമയത്ത് ഇരുടീമുകളും ഓരോ ഗോളടിച്ച് പിരിഞ്ഞതോടെ, ഷൂട്ടൗട്ടിലൂടെയാണ് വിജയികളെ കണ്ടെത്തിയത്. അൽ അഹ്ലി ആറ് കിക്കുകൾ ലക്ഷ്യത്തിൽ എത്തിച്ചപ്പോൾ, കാസാബ്ലാങ്കയ്ക്ക് അഞ്ചെണ്ണമേ ഗോളാക്കാൻ കഴിഞ്ഞുള്ളൂ. താഹിർ മുഹമ്മദ്, അക്രം തൗഫിക്ക് എന്നീ താരങ്ങളാണ് അൽ അഹ്ലിക്കായി തിളങ്ങിയത്.