December 28, 2021
December 28, 2021
ജിദ്ദ : പള്ളിയിൽ നമസ്കാരം നടക്കവെ നിയന്ത്രണം വിട്ട ലോറി ഇടിച്ചുകയറി ഉണ്ടായ അപകടത്തിൽ അഞ്ചുപേർക്ക് പരിക്ക്. ജിദ്ദ അൽ റവാബി പ്രദേശത്തെ പള്ളിയിലേക്കാണ് ലോറി പാഞ്ഞുകയറിയത്. ഡ്രൈവർക്ക് വാഹനത്തിന്മേലുള്ള നിയന്ത്രണം നഷ്ടപ്പെട്ടതാണ് അപകടകാരണം.
പരിക്കേറ്റവരെ ആശുപത്രിയിലേക്ക് മാറ്റിയതായി അധികൃതർ അറിയിച്ചു. അപകടത്തെ തുടർന്ന് പള്ളിയുടെ മതിലിന് കേടുപാടുകൾ സംഭവിച്ചിട്ടുണ്ട്. അപകടത്തിൽ പരിക്കേറ്റവർക്ക് അടിയന്തിര ചികിത്സാ സഹായം ലഭ്യമാക്കുമെന്ന് ട്രാഫിക്ക് വിഭാഗം ജനറൽ ഡയറക്ടറേറ്റ് അറിയിച്ചു.
