June 23, 2021
June 23, 2021
ജിദ്ദ: സഊദി അറേബ്യയില് ജോലി ചെയ്യുന്നതിനിടെ വീണു പരിക്കേറ്റ് ആശുപത്രിയില് അബോധാവസ്ഥയില് കഴിഞ്ഞിരുന്ന മലയാളി യുവാവ് മരിച്ചു. പാലക്കാട് മരുതൂര് പൂവക്കോട് സ്വദേശി പടിഞ്ഞാറകത്ത് മുര്തസ ഗുലാം ജീലാനി (28) ആണ് മരിച്ചത്. സഊദിയിലെ ജിസാനില് നാല് ദിവസം മുമ്പാണ് അപകടമുണ്ടായത്.
ജിസാന് ഈദാബിയില് ഒരു കടയുടെ ക്ലാഡിങ്ങ് ജോലി ചെയ്യുന്നതിനിടയില് അപകടത്തില് പെടുകയായിരുന്നു. പിതാവ് പടിഞ്ഞാറകത്ത് മൊയ്തീന് മൗലവിക്ക് ഒപ്പം ഏഴു വര്ഷമായി ജിസാന് സാബിയയില് അലുമിനിയം ഫാബ്രിക്കേഷന് ജോലികള് ഏറ്റെടുത്തു നടത്തിവരികയായിരുന്നു. കിങ് ഫഹദ് ആശുപത്രി മോര്ച്ചറിയിലുള്ള മൃതദേഹം ജീസാനില് തന്നെ ഖബറടക്കും. മാതാവ്: ഫാത്തിമ, ഭാര്യ: സഫീദ, മകള്: മുജ്തബ.