December 01, 2020
December 01, 2020
ദോഹ: ഖത്തറില് ഇന്ന് പുതുതായി 168 പേര്ക്ക് കൊവിഡ്-19 രോഗം സ്ഥിരീകരിച്ചു. ഇതില് 150 പേര് സമ്പര്ക്കത്തിലൂടെ രോഗം ബാധിച്ചവരും 18 പേര് വിദേശത്തു നിന്ന് എത്തിയവരുമാണെന്ന് ഖത്തര് പൊതുജനാരോഗ്യ മന്ത്രാലയം അറിയിച്ചു.
കൊവിഡ്-19 ബാധിച്ച് ചികിത്സയിലിരിക്കുകയായിരുന്ന 67 കാരന് മരിച്ചു. ഇതോടെ ഖത്തറില് ഇതുവരെ കൊവിഡ്-19 ബാധിച്ച് മരിച്ചവരുടെ ആകെ എണ്ണം 238 ആയി.
കഴിഞ്ഞ 24 മണിക്കൂറിനിടെ 216 പേര് രോഗമുക്തി നേടി. രോഗമുക്തി നേടിയവരുടെ ആകെ എണ്ണം ഇതോടെ 136,306 ആയി.
രാജ്യത്ത് ആകെ കൊവിഡ് ബാധിച്ചവരുടെ എണ്ണം 139,001 ആയി. ആക്ടീവ് കേസുകളുടെ എണ്ണം 2457 ആണ്.
കഴിഞ്ഞ 24 മണിക്കൂറിനിടെ 9033 ടെസ്റ്റുകളാണ് ആകെ നടത്തിയത്. ഇതില് 3651 പേര് ആദ്യമായി ടെസ്റ്റ് നടത്തിയവരാണ്. ഖത്തറില് ഇതുവരെ ആകെ 1,116,081 ടെസ്റ്റുകളാണ് നടത്തിയത്.
രോഗം ബാധിച്ച 27 പേരെയാണ് കഴിഞ്ഞ 24 മണിക്കൂറിനിടെ ആശുപത്രിയിലേക്ക് മാറ്റിയത്. ഇതോടെ ആശുപത്രിയില് ചികിത്സയിലുള്ള ആകെ രോഗികളുടെ എണ്ണം 260 ആയി. ഐ.സി.യുവിലേക്ക് പുതുതായി മൂന്നു പേരെ പ്രവേശിപ്പിച്ചു. നിലവില് ഐ.സി.യുവില് ചികിത്സയിലുള്ളത് 30 പേരാണ്.
രോഗം സ്ഥിരീകരിച്ച എല്ലാവരെയും ഐസൊലേഷനിലാക്കുകയും ആവശ്യമായ ചികിത്സ ലഭ്യമാക്കുകയും ചെയ്തിട്ടുണ്ടെന്നും ഖത്തര് പൊതുജനാരോഗ്യ മന്ത്രാലയം അറിയിച്ചു.
കൊവിഡ് വ്യാപനം നിയന്ത്രക്കാനായി ശാരീരിക അകലം പാലിക്കണമെന്നും മാസ്ക് ധരിക്കണമെന്നും കൈകള് ഇടയ്ക്കിടെ സോപ്പുപയോഗിച്ച് കഴുകണമെന്നും ആള്ക്കൂട്ടങ്ങള് ഒഴിവാക്കണമെന്നും മന്ത്രാലയം ജനങ്ങളോട് അഭ്യര്ത്ഥിച്ചു.
ന്യൂസ്റൂം വാർത്തകൾ ടെലിഗ്രാമിൽ ലഭിക്കാൻ ഇവിടെ ക്ലിക്ക് ചെയ്യുക.