October 24, 2019
October 24, 2019
ലണ്ടൻ : കിഴക്കന് ലണ്ടനിലെ ഗ്രേസിലെ വ്യവസായ പാര്ക്കിനുള്ളില് കണ്ടയിനർ ട്രക്കിൽ കണ്ടെത്തിയ മൃതദേഹങ്ങൾ ചൈനക്കാരുടേതാണെന്ന് തിരിച്ചറിഞ്ഞു.മരിച്ചവരില് ഒരു കുട്ടിയുമുള്പ്പെടുമെന്ന് എസെക്സ് പൊലീസ് അറിയിച്ചു. അന്വേഷണ ബ്രിട്ടീഷ് മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്.
ഇന്നലെ പുലര്ച്ചെ 1.40-ഓടെയാണ് ലണ്ടൻ നഗരത്തിൽ നിർത്തിയിട്ട ട്രക്കിൽ നിന്ന് 39 മൃതദേഹങ്ങള് കണ്ടെത്തിയത്. വടക്കന് അയര്ലന്ഡ് സ്വദേശിയായ വാഹനത്തിന്റെ ഡ്രൈവറെ അന്വേഷണത്തിന്റെ ഭാഗമായി പൊലീസ് അറസ്റ്റ് ചെയ്തിട്ടുണ്ട്. ഇയാളെ ചോദ്യം ചെയ്ത് വരികയാണ്.സംഭവം അറിഞ്ഞയുടന് ആംബുലന്സുള്പ്പെടെയുള്ള സൗകര്യങ്ങള് സ്ഥലത്ത് എത്തിച്ചിരുന്നതായി പൊലീസ് അറിയിച്ചു. മനുഷ്യക്കടത്തിനിടെയാണ് അപകടം നടന്നതെന്നും സംശയിക്കുന്നു. അന്വേഷണത്തിന്റെ ഭാഗമായി ഉത്തര അയര്ലന്ഡിലെ രണ്ട് വീടുകളില് പരിശോധന നടത്തി.ആസൂത്രിത കുറ്റവാളി സംഘങ്ങളെ കേന്ദ്രീകരിച്ചും അന്വേഷണം നടക്കുന്നുണ്ട്.