December 21, 2020
December 21, 2020
ബാഗ്ദാദ് : ബാഗ്ദാദിലെ അമേരിക്കൻ എംബസിക്ക് നേരെ നടന്ന റോക്കറ്റ് ആക്രമണത്തിൽ ഒരാൾക്ക് പരിക്കേറ്റതായി ഇറാഖി സൈനിക വൃത്തങ്ങൾ പ്രസ്താവനയിൽ അറിയിച്ചു.എംബസികൽ ഉൾപെടെ നയതന്ത്ര സ്ഥാപനങ്ങൾ ഉൾപ്പെടുന്ന ഗ്രീൻസോണിലാണ് ആക്രമണമുണ്ടായത്.ഇറാഖി സുരക്ഷാ ഉദ്യോഗസ്ഥനാണ് പരിക്കേറ്റത്.എംബസിയിലെ സി-റാം പ്രതിരോധ സംവിധാനം ആക്രമണത്തെ പ്രതിരോധിച്ചതായി എംബസി വാർത്താകുറിപ്പിൽ അറിയിച്ചു.അതേസമയം,എംബസി കെട്ടിട വളപ്പിൽ നേരിയ നാശനഷ്ടങ്ങളുണ്ടായിട്ടുണ്ട്.മൂന് റോക്കറ്റുകൾ എംബസിക്ക് നേരെ ആക്രമണം നടത്തിയതായാണ് റിപ്പോർട്ട്.
ഇത്തരം ആക്രമണങ്ങൾ തടയുന്നതിനാവശ്യമായ നടപടികൾ സ്വീകരിക്കാനും ഉത്തരവാദികൾക്കെതിരെ നടപടിയെടുക്കാൻ ഇറാഖ് ഭരണകൂടത്തോട് ആവശ്യപ്പെട്ടതായും അമേരിക്കൻ എംബസി വ്യക്തമാക്കി.
2020 ജനുവരി മൂന്നിന് ഇറാൻ ഉന്നത സൈനിക മേധാവി ജനറൽ കസേം സുലൈമാനിയെ ബാഗ്ദാദ് വിമാനത്താവളത്തിന് മുന്നിൽ വെച്ച് അമേരിക്ക കൊലപ്പെടുത്തിയിരുന്നു.സുലൈമാനി വധത്തിന് ഒരു വര്ഷം പൂർത്തിയാകുന്നതിനോടനുബന്ധിച്ച് ബാഗ്ദാദിലെ അമേരിക്കൻ എംബസിക്ക് നേരെ ആക്രമണമുണ്ടാകാനുള്ള സാധ്യത കണക്കിലെടുത്തു എംബസിയിലെ ജീവനക്കാരുടെ എണ്ണം കുറച്ചിരുന്നു.ഇതിനു പിന്നാലെയാണ് എംബസിക്ക് നേരെ റോക്കറ്റ് ആക്രമണം ഉണ്ടായത്.
TELEGRAM
FACEBOOK PAGE
https://www.facebook.com/newsroomme
00974 66200167