March 29, 2023
March 29, 2023
ന്യൂസ്റൂം ബ്യുറോ
അബഹ :സൗദിയിലെ അബഹയില് ഉംറ തീര്ത്ഥാടകര് സഞ്ചരിച്ച ബസ് മറിഞ്ഞുണ്ടായ അപകടത്തില് മരിച്ചവരുടെ എണ്ണം 22 ആയി. 27 പേര്ക്ക് പരിക്കേറ്റു. പരിക്കേറ്റവരെ അബഹയിലെ വിവിധ ആശുപത്രികളില് പ്രവേശിപ്പിച്ചിരിക്കുകയാണ്.
അപകടത്തില് ഇന്ത്യക്കാരായ രണ്ടുപേര്ക്ക് പരിക്കേറ്റു. ഇരുവരുടെയും നില ഗുരുതരമല്ലെന്ന് അധികൃതര് അറിയിച്ചു. മുഹമ്മദ് ഖാന്, വെസ്റ്റ് ബാംഗാള് സ്വദേശി റാസാ ഖാന് എന്നീ ഇന്ത്യക്കാര്ക്കാണ് പരിക്കേറ്റത്. അതേസമയം മരിച്ചവരില് ഇന്ത്യക്കാരില്ലെന്നാണ് പ്രാഥമിക നിഗമനം.
ഇതിനിടെ,ശആർ ചുരം റോഡിലുണ്ടായ അപകടത്തിൽ മരിച്ചവരെ തിരിച്ചറിയുന്നതിനുള്ള ഫോറൻസിക് പരിശോധന ഊർജിതമാക്കി. ഭൂരിഭാഗം മൃതദേഹങ്ങളും കത്തിക്കരിഞ്ഞ നിലയിലാണ്. ക്രിമിനൽ എവിഡെൻസ് ഡിപ്പാർട്ട്മെന്റിന്റെ പങ്കാളിത്തത്തോടെ ഫോറൻസിക് മെഡിക്കൽ സംഘം മരണപ്പെട്ടവരുടെ ഡി.എൻ.എ സാമ്പിളുകൾ ശേഖരിക്കുന്നുണ്ട്.
അസീർ സെൻട്രൽ ആശുപത്രി, മഹായിൽ ആശുപത്രി, മഹായിൽ നാഷണൽ ഹോസ്പിറ്റൽ, സൗദി ജർമൻ ആശുപത്രി എന്നിവിടങ്ങളിലും പരിക്കേറ്റവർ ചികിത്സയിലുണ്ടെന്ന് അൽഇഖ്ബാരിയ ചാനൽ റിപ്പോർട്ടർ പറഞ്ഞു.
അസീർ പ്രവിശ്യയിൽ അബഹയെയും മഹായിൽ അസീറിനെയും ബന്ധിപ്പിക്കുന്ന ശആർ ചുരംറോഡിൽ തിങ്കളാഴ്ച വൈകീട്ടാണ് ഉംറ തീർഥാടകർ സഞ്ചരിച്ച ബസ് അപകടത്തിൽ പെട്ടത്. ബ്രെയ്ക്ക് തകരാറു മൂലം നിയന്ത്രണം വിട്ട ബസ് പാലത്തിന്റെ ബാരിക്കേഡിൽ ഇടിച്ച് താഴേക്ക് മറിഞ്ഞ് കത്തുകയായിരുന്നു. സിവിൽ ഡിഫൻസും റെഡ് ക്രസന്റും സുരക്ഷാ വകുപ്പുകളും രക്ഷാപ്രവർത്തനങ്ങൾ നടത്തി. പരിക്കേറ്റവരിൽ ഭൂരിഭാഗം പേർക്കും പൊള്ളലേറ്റിട്ടുണ്ട്.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/KIGk615xlF1ILlMGxpUXqI