March 22, 2021
March 22, 2021
ദോഹ: ഖത്തറിലെ മുതിര്ന്നവരുടെ ജനസംഖ്യയില് 18.2 ശതമാനം പേര്ക്കും കൊവിഡ് പ്രതിരോധ വാക്സിന്റെ ഒരു ഡോസ് എങ്കിലും ലഭിച്ചുവെന്ന് പൊതുജനാരോഗ്യ മന്ത്രാലയം. അതായത് മുതിര്ന്നവരില് ആറില് ഒരാള്ക്ക് ഇതിനകം വാക്സിന് ലഭിച്ചു. വാക്സിനേഷന് സംബന്ധിച്ച പ്രതിവാര അറിയിപ്പിലാണ് മന്ത്രാലയം ഇക്കാര്യം പറഞ്ഞത്.
കഴിഞ്ഞ ഏഴ് ദിവസങ്ങളില് മാത്രം 134,498 ഡോസുകളാണ് നല്കിയത്. വാക്സിനേഷന് ആരംഭിച്ചതിന് ശേഷം ഇതുവരെ 594,613 ഡോസുകള് നല്കി.
60 വയസിന് മുകളില് പ്രായമുള്ളവരിലെ 66.8 ശതമാനം ആളുകള്ക്കും വാക്സിന് ലഭിച്ചു. 70 വയസിന് മുകളില് പ്രായമുള്ളവരില് 69.4 ശതമാനം പേര്ക്കും 80 വയസിന് മുകളില് പ്രായമുള്ളവരിലെ 70 ശതമാനം പേര്ക്കും കൊവിഡ് വാക്സിന്റെ ഒരു ഡോസ് എങ്കിലും ലഭിച്ചിട്ടുണ്ടെന്നും പൊതുജനാരോഗ്യ മന്ത്രാലയം അറിയിച്ചു.
നേരത്തേ കൊവിഡ് വാക്സിനുകളുടെ പാര്ശ്വഫലങ്ങള് വെബ്സൈറ്റിലൂടെ അറിയിക്കാനാമെന്ന് മന്ത്രാലയം പറഞ്ഞിരുന്നു. പൊതുജനാരോഗ്യ മന്ത്രാലയത്തിന്റെ മൈക്രോസൈറ്റില് ആളുകള് നാഷണല് ഒതന്റിക്കേഷന് സിസ്റ്റം (തവ്തീഖ്) യൂസര്നെയിമും (സാധാരണയായി ക്യു.ഐ.ഡി) പാസ്വേര്ഡും നല്കി ലോഗ് ഇന് ചെയ്താണ് പാര്ശ്വ ഫലങ്ങള് മന്ത്രാലയത്തെ അറിയിക്കേണ്ടത്.
ന്യൂസ് റൂം വാര്ത്തകള് വാട്ട്സ്ആപ്പില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്ത് മെസേജ് അയക്കൂ.
ന്യൂസ് റൂം വാര്ത്തകള് ടെലിഗ്രാമില് മുടങ്ങാതെ ലഭിക്കാനായി ഇവിടെ ക്ലിക്ക് ചെയ്യൂ.
ന്യൂസ് റൂം വാർത്തകൾ ഫേസ്ബുക്കിൽ ലഭിക്കാനായി ഇവിടെ ക്ലിക്ക് ചെയ്ത് പേജ് ലൈക്ക് ചെയ്യൂ.