May 14, 2023
May 14, 2023
ന്യൂസ്റൂം ബ്യൂറോ
റിയാദ്: റിയാദ് പ്രവിശ്യയിലുണ്ടായ വാഹനാപകടത്തെ തുടര്ന്ന് 15 പേര് മരിച്ചു, 14 പേര്ക്ക് പരിക്ക്. ഇതില് 11 പേരുടെ നില ഗുരുതരമെന്ന് റിപ്പോര്ട്ട്. തെക്കന് പ്രവശ്യയിലെ നാസ അല്ഹാരിഖ് അല് മാനിയ റോഡിലായിരുന്നു അപകടമെന്ന് പ്രാദേശിക പത്രം റിപ്പോര്ട്ട് ചെയ്യുന്നു. റിയാദ് നഗരത്തിലെ വിവിധ ആശുപത്രിയിലേക്ക് പരിക്കേറ്റവരെ മാറ്റി. റിയാദില് നിന്ന ഏതാണ്ട് ഇരുനൂറു കിലോമീറ്റര് അകലെ വെള്ളിയാഴ്ചയായിരുന്നു അപകടം. അപകടത്തെ തുടര്ന്ന് 11 ഗ്രൗണ്ട് ആംബുലന്സ് ടീമുകളും രണ്ട് എയര് ആംബുലന്സുകളുമായി സൗദി റെഡ് ക്രസന്റ് അതോറിറ്റിയുടെ ടീമുകളും മൂന്നു ഗ്രൗണ്ട് ആംബുലന്സ് ടീമുകളുമായി ആരോഗ്യ മന്ത്രാലയം ടീമുകളും സംഭവ സ്ഥലത്തെത്തി രക്ഷാപ്രവര്ത്തനം നടത്തി. മരിച്ചവരുടെയോ പരിക്കേറ്റവരുടെയോ വിവരങ്ങള് ലഭ്യമായിട്ടില്ല.
ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/GNnAPz2ISv601MKXQvNitL