March 21, 2020
March 21, 2020
ദോഹ : കോവിഡ് 19 നിരീക്ഷണത്തിനായി കരുതൽ വാസം നിർദേശിച്ച പത്ത് സ്വദേശികളെ പോലീസ് അറസ്റ്റ് ചെയ്തു.ഖത്തര്‍ ആരോഗ്യമന്ത്രാലയമാണ് ഇക്കാര്യം അറിയിച്ചത്. പത്ത് പേരും ഖത്തരി പൌരന്മാരാണ്. വീട്ടിൽ കരുതൽ വാസം നിർദേശിച്ച ഇവർ നിയമം ലംഘിച്ചു പുറത്തിറങ്ങിയതിനാണ് നടപടി.
കോവിഡ് രോഗപ്പകര്‍ച്ച ആരംഭിച്ചതിന് പിന്നാലെ വിവിധ രാജ്യങ്ങളില്‍ നിന്നായി ഖത്തറിലെത്തിയ സ്വദേശികളുള്‍പ്പെടെയുള്ളവര്‍ പതിനാല് ദിവസത്തേക്ക് ക്വാറന്‍റൈനില്‍ കഴിയണമെന്നാണ് ആരോഗ്യവകുപ്പിന്‍റെ നിര്‍ദേശം. സര്‍ക്കാരിന്‍റെ ക്വാറന്‍റൈന്‍ സെന്‍ററുകളിലോ അല്ലെങ്കില്‍ വ്യക്തിയുടെ താല്‍പ്പര്യം പരിഗണിച്ച് സ്വന്തം വീട്ടിലോ ക്വാറന്‍റൈനില്‍ കഴിയാം. എന്നാല്‍ വീട്ടില്‍ ക്വാറന്‍റൈനില്‍ കഴിയണമെങ്കില്‍ പ്രത്യേക വ്യവസ്ഥകള്‍ ഉള്‍പ്പെട്ട പ്രതിജ്ഞാ പത്രം ഒപ്പിട്ടുനല്‍കണം. ഈ പ്രതിജ്ഞകള്‍ തെറ്റിച്ചുവെന്ന കുറ്റം ചുമത്തിയാണ് ഇവരെ അറസ്റ്റ് ചെയ്തത്.
അറസ്റ്റിലായവരെ തുടര്‍നടപടികള്‍ക്കായി പബ്ലിക് പ്രോസിക്യൂഷന് കൈമാറുമെന്നും അധികൃതര്‍ അറിയിച്ചു.ഇവരുടെ പേരുവിവരങ്ങളും അധികൃതർ പരസ്യമാക്കിയിട്ടുണ്ട്.
ന്യൂസ്‌റൂം വാർത്തകൾ മുടങ്ങാതെ ലഭിക്കാത്തവർ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.
