January 27, 2023
January 27, 2023
ന്യൂസ്‌റൂം ബ്യുറോ
കുവൈത്ത് സിറ്റി: കുവൈത്തിൽ തണുപ്പകറ്റാനായി ചാർക്കോൾ കത്തിച്ച യുവതി ശ്വാസം മുട്ടി മരിച്ചു. കബദിലാണ് സംഭവം നടന്നത്. യുവതിയെ തിരിച്ചറിഞ്ഞിട്ടില്ലെന്നാണ് വിവരം. അടച്ചിട്ട മുറിക്കുള്ളിൽ കിടക്കയിലാണ് ഇവരെ മരിച്ച നിലയിൽ കണ്ടെത്തിയത്. മുറിയുടെ ഒരു മൂലയിൽ ചാർക്കോൾ കത്തിച്ച നിലയിലായിരുന്നു ഇതോടെയാണ് ഈ പുക ശ്വസിച്ചതാകാം മരണ കാരണമെന്ന നിഗമനത്തിലെത്തിയത്.
ആഭ്യന്തര മന്ത്രാലയത്തിൽ വിവരം ലഭിച്ചതിന് പിന്നാലെ സുരക്ഷാ സംഘം സ്ഥലത്തെത്തിയെങ്കിലും യുവതി അപ്പോഴേക്കും മരിച്ചിരുന്നു. മൃതദേഹം പരിശോധനയ്ക്കായി ഫോറൻസിക് വിഭാഗത്തിന് കൈമാറി.
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
