Breaking News
മുഴുവന്‍ യാത്രക്കാര്‍ക്കും സൗജന്യ ആരോഗ്യ ഇന്‍ഷുറന്‍സ് പരിരക്ഷ പ്രഖ്യാപിച്ച് എമിറേറ്റ്‌സ്; ലോകത്ത് ആദ്യം | ഖത്തറില്‍ ഇന്ന് കൊവിഡ് സ്ഥിരീകരിച്ചത് 227 പേര്‍ക്ക്; 52 പേര്‍ വിദേശത്തു നിന്ന് എത്തിയവര്‍ | ഉടന്‍ തന്നെ ബഹ്‌റൈന്‍ സന്ദര്‍ശിക്കുമെന്ന് ഇസ്രയേല്‍ പ്രധാനമന്ത്രി ബെഞ്ചമിന്‍ നെതന്യാഹു | ഐ.സി.ബി.എഫ് അപ്രൈസേഷന്‍ അവാര്‍ഡ് യുണൈറ്റഡ് നഴ്സസ് ഓഫ് ഇന്ത്യ ഖത്തറിന് | ഖത്തറിൽ വൈദ്യുത വാഹനങ്ങള്‍ക്കും ചാര്‍ജ്ജിങ് സംവിധാനങ്ങള്‍ക്കുമായുള്ള മാര്‍ഗനിര്‍ദ്ദേശം പുറത്തിറക്കി | അബ്ദുല്ല ബിന്‍ ജാസിം സ്ട്രീറ്റില്‍ ഒരു വര്‍ഷത്തേക്ക് ഗതാഗതം തിരിച്ചു വിടും | ദോഹ വിമാനത്താവളത്തിൽ ചോരക്കുഞ്ഞിനെ ഉപേക്ഷിച്ച സംഭവം,മാതാപിതാക്കളെ തിരിച്ചറിഞ്ഞു | കലിയടങ്ങാതെ ഹൂതികൾ,ജിദ്ദയിലെ പെട്രോൾ വിതരണ കേന്ദ്രത്തിന് നേരെയും ആക്രമണം  | രഹസ്യ നീക്കം,ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു സൗദിയിൽ  | ഖത്തറിൽ യാത്ര കഴിഞ്ഞെത്തിയ മുപ്പത് പേർക്ക് കൂടി കോവിഡ് സ്ഥിരീകരിച്ചു  |
കോൺഗ്രസ് മണ്ഡലം നേതാവിന്റെ വീട്ടിൽ കോവിഡ് പ്രോട്ടോക്കോൾ ലംഘിച്ച് വിവാഹം, ചെക്യാട് പഞ്ചായത്ത് രോഗവ്യാപന ഭീതിയിൽ

July 25, 2020

July 25, 2020

നാദാപുരം : സംസ്ഥാനത്ത് കോവിഡ് വ്യാപനം ആശങ്കാജനകമായി തുടരുന്നതിനിടെ കോഴിക്കോട് ജില്ലയിലെ നാദാപുരം ചെക്യാട് പഞ്ചായത്തിൽ കോൺഗ്രസ് മണ്ഡലം ജനറൽ സെക്രട്ടറിയുടെ വീട്ടിൽ നടത്തിയ വിവാഹ ചടങ്ങ് ഒരു പ്രദേശത്തെ മുഴുവൻ ആശങ്കയിലാക്കി.ഖത്തറിലെ കോൺഗ്രസ് അനുകൂല സംഘടനയായ ഇൻകാസിന്റെ പ്രമുഖ നേതാവ് പി.കെ ഉസ്മാന്റെ സഹോദര പുത്രന്റെ വിവാഹത്തിനാണ് യു.ഡി.എഫ് നേതാക്കളും ജനപ്രതിനിധകൾ ഉൾപെടെയുള്ള രാഷ്ട്രീയ നേതാക്കളും ഒഴുകിയെത്തിയത്. ഇതേതുടർന്ന് വരാനായ യുവ ഡോക്ടർ ഉൾപെടെ വിവാഹ ചടങ്ങിൽ പങ്കെടുത്ത 23 പേർക്കാണ് രോഗം പകർന്നത്. വിവാഹ വീട്ടിൽ സമ്പർക്കമുള്ള പല ജനപ്രതിനിധികളും രാഷ്ടീയ നേതാക്കളും കോവിഡ് പരിശോധനക്ക്‌ തയ്യാറായില്ലെന്ന് ആരോപണമുയർന്നിരുന്നു. ഒടുവിൽ ഉന്നത തല ഇടപെടലിനെ തുടർന്ന് കെ.മുരളീധരൻ എം.പി നടത്തിയ പരിശോധനയിൽ ഫലം നെഗറ്റിവ് ആയി.

അതേസമയം, ചെക്യാട് പ്രാഥമിക ആരോഗ്യ കേന്ദ്രത്തിൽ195 പേരിൽ ആന്റിജൻ പരിശോധന നടത്തിയിരുന്നു.ഇതിൽ പോസറ്റീവായ 26 പേരിൽ 24 പേരും ചെക്യാട് പഞ്ചായത്തിൽ ഉള്ളവരാണ്.ഇതിൽ 23 പേരുടെയും രോഗ ഉറവിടം കോവിഡ് പ്രോട്ടോക്കോൾ ലംഘിച്ച് നടന്ന വിവാഹ വീടാണെന്നും കണ്ടെത്തിയിട്ടുണ്ട്.

മൂന്ന് ദിവസങ്ങളിലായി നടന്ന വിവാഹത്തിൽ മുന്നൂറിലധികം പേർ പങ്കെടുത്തതായാണ് വിവരം. കെ.മുരളീധരൻ എം പിക്ക് പുറമെ പാണക്കാട് ഫൈനാസ് അലി ശിഹാബ് തങ്ങൾ ഉൾപ്പെടെയുള്ള നിരവധി മത-സാമുദായിക നേതാക്കളും വിവാഹത്തിൽ പങ്കെടുത്തിരുന്നു. സമീപ പ്രദേശങ്ങളായ വാണിമേൽ,വളയം,നാദാപുരം,തൂണേരി പഞ്ചായത്തുകളിൽ രോഗവ്യാപനം തീവ്രമായതിനെ തുടർന്ന് നിയന്ത്രണങ്ങൾ ശക്തിപ്പെടുത്തിയ ഘട്ടത്തിലാണ് തൊട്ടടുത്ത പഞ്ചായത്തായ ചെക്യാട് ഇത്തരമൊരു വിവാഹം നടന്നത്.ഒരേസമയം,അമ്പതിൽ കൂടുതൽ പേർ വിവാഹ ചടങ്ങുകളിൽ പങ്കെടുക്കരുതെന്ന നിർദേശം നിലനിൽക്കെ,ഇരുനൂറിലേറെ പേർ വിവാഹത്തിൽ പങ്കെടുത്തതായാണ് വിവരം.ഈ പഞ്ചായത്തുകളിൽ പലതും പിന്നീട് കണ്ടയിൻമെൻറ് സോണുകളായി പ്രഖ്യാപിച്ചിരുന്നു.

കോവിഡ് പ്രോട്ടോക്കോൾ ലംഘിച്ച് വിവാഹം നടത്തിയതിന് ഗൃഹനാഥനായ ചെക്യാട് പഞ്ചായത്തിലെ കൊയമ്പ്രം പാലത്ത് കല്ലുകൊത്തിയിൽ അബൂബക്കറിനെതിരെ വളയം പോലീസ് കേസെടുത്തിട്ടുണ്ട്.പകർച്ചവ്യാധി നിരോധന നിയമപ്രകാരമാണ് കേസ് രജിസ്റ്റർചെയ്തത്.ചെക്യാട് മണ്ഡലം കോൺഗ്രസ് ജനറൽ സെക്രട്ടറിയാണ് ഇദ്ദേഹം.

ന്യൂസ്‌റൂം വാർത്തകൾ മുടങ്ങാതെ ലഭിക്കാൻ  +974 66200167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക


ന്യൂസ്‌റൂം വാർത്തകൾ ടെലിഗ്രാമിൽ ലഭിക്കാൻ ജോയിൻ ചെയ്യുക

Latest Related News