January 27, 2022
January 27, 2022
കുവൈത്ത് സിറ്റി : മിനാ അൽ അഹ്‌മദി റിഫൈനറിയിലുണ്ടായ തീപിടുത്തത്തിൽ പരിക്കേറ്റ് ചികിത്സയിലായിരുന്ന രണ്ട് ഇന്ത്യൻ തൊഴിലാളികൾ കൂടി മരിച്ചതായി കുവൈത്ത് നാഷണൽ പെട്രോളിയം അറിയിച്ചു.ഇതോടെ അഗ്നിബാധയിൽ മരിച്ചവരുടെ എണ്ണം നാലായി.മരിച്ചവർ ഏതു സംസ്ഥാനത്തു നിന്നുള്ളവരാണെന്ന് വ്യക്തമാക്കിയിട്ടില്ല. കുവൈത്തിൽ ക്രൂഡ് ഓയിലും പെട്രോളിയം ഉൽപന്നങ്ങളും കയറ്റുമതി ചെയ്യുന്ന പ്രധാന തുറമുഖമായ മിനാ അൽ അഹ്‌മദിയിൽ പ്രവർത്തിക്കുന്ന റിഫൈനറിയിൽ ഈ മാസം 14നാണ് തീപിടുത്തമുണ്ടായത്.റിഫൈനറിയിലെ ഗ്യാസ് ദ്രവീകരണ യൂനിറ്റിലാണ് തീപിടുത്തമുണ്ടായത്.
അപകടത്തിൽ രണ്ട് ഇന്ത്യക്കാർ സംഭവസ്ഥലത്തു വെച്ച് തന്നെ മരണപ്പെട്ടിരുന്നു. 5 പേർക്ക്‌ ഗുരുതര പരിക്കേൽക്കുകയും ചെയ്തിരുന്നു. തമിഴ്നാട് സ്വദേശി സിക്കന്തൂർ കസാലി മരൈകയാർ,ഒഡീസ സ്വദേശി ഹരി ചന്ദ്ര റെഡ്ഡി കോണ എന്നിവരാണു ആദ്യം മരണമടഞ്ഞത്‌.മരണമടഞ്ഞവരും പരിക്കേറ്റവരും അൽ അറബി എനർടേക് കോൺട്രാക്റ്റിങ് കമ്പനിക്ക്‌ കീഴിൽ ജോലി ചെയ്യുന്ന തൊഴിലാളികളാണ്.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
