March 12, 2024
March 12, 2024
മസ്‌കത്ത്: ഒമാനില്‍ റമദാനിലെ തിരക്കേറിയ സമയങ്ങളില്‍ ട്രക്കുകള്‍ നിരോധിച്ചു. ഗതാഗതക്കുരുക്ക് ഒഴിവാക്കാന്‍ പ്രധാന റോഡുകളില്‍ തിരക്കുള്ള സമയങ്ങളില്‍ ട്രക്കുകള്‍ക്ക് നിയന്ത്രണം ഏര്‍പ്പെടുത്തിയതായി റോയല്‍ ഒമാന്‍ പോലീസ് (ആര്‍ഒപി) അറിയിച്ചു. ട്രക്കുകള്‍ക്ക് നിരോധനമേര്‍പ്പെടുത്തിയതിന്റെ സമയക്രമവും ആര്‍ഒപി വിശദീകരിച്ചു.എല്ലാ ട്രക്ക് ഡ്രൈവര്‍മാരും നിര്‍ദേശങ്ങള്‍ പാലിക്കണമെന്നും റോയല്‍ ഒമാന്‍ പോലീസ് അറിയിച്ചു.
ഞായറാഴ്ച മുതല്‍ വ്യാഴം വരെയുള്ള ദിവസങ്ങളില്‍ രാവിലെ 6.30 മുതല്‍ 9.30 വരെയും ഉച്ചയ്ക്ക് 12.00 മുതല്‍ 4.00 വരെയും ട്രക്കുകള്‍ നിരോധിച്ചു.
ശനിയാഴ്ചകളില്‍ ചുവടെ സൂചിപ്പിച്ചിരിക്കുന്ന റോഡുകളില്‍ വൈകിട്ട് 6.00 മണി മുതല്‍ രാത്രി പത്ത് മണിവരെ ട്രക്കുകള്‍ നിരോധിക്കും.
1) മസ്‌കത്ത് ഗവര്‍ണറേറ്റിലെ പ്രധാന റോഡുകള്‍, അല്‍ ദഖിലിയ റോഡ് (മസ്‌കത്ത് - ബിദ്ബിഡ് പാലം )
2) അല്‍ ബത്തിന ഹൈവേ (മസ്‌കത്ത് - ഷിനാസ് )
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്‌സ്ആപ്പ് ചാനലില്‍ ജോയിന്‍ ചെയ്യുക - https://whatsapp.com/channel/0029Va9k1sH3rZZiZHLfLm0F
