April 15, 2024
April 15, 2024
മസ്കത്ത്: ഒമാനിൽ ശക്തമായ മഴയെത്തുടർന്ന് നാളെയും (ഏപ്രിൽ 16) ഓൺലൈൻ ക്ലാസ്സായിരിക്കുമെന്ന് വിദ്യാഭ്യാസ മന്ത്രാലയം അറിയിച്ചു. ദോഫാർ, അൽ വുസ്ത ഗവർണറേറ്റുകൾ ഒഴികെയുള്ള എല്ലാ സർക്കാർ, സ്വകാര്യ, വിദേശ സ്കൂളുകൾക്കും ഇത് ബാധകമാണ്. സ്കൂളിന്റെ കഴിവുകളെ അടിസ്ഥാനമാക്കി ക്ലാസുകള് ഓണ്ലൈനായി നടത്താവുന്നതാണെന്നും അധികൃതർ വ്യകതമാക്കി. ഇന്നലെ (തിങ്കളാഴ്ച) മസ്കത്ത്, തെക്ക്-വടക്ക് ശർഖിയ, ദാഖിലിയ എന്നീ ഗവർണറേറ്റുകളിലെ പൊതു, സ്വകാര്യ, വിദേശ സ്കൂളുകള്ക്കും അവധി നല്കിയിരുന്നു.
അതേസമയം, ഒമാനിൽ ശക്തമായ കാറ്റും മഴയും ഇപ്പോഴും തുടരുകയാണ്. വടക്കൻ ശർഖിയ ഗവർണറേറ്റില് നിന്ന് ഒരാളുടെ മൃതദേഹവും, മറ്റൊരു സ്ത്രീയെ മരിച്ച നിലയിലും സിവില് ഡിഫൻസ് ആൻഡ് ആംബുലൻസ് അധികൃതർ കണ്ടെത്തി. ഇതോടെ മഴ ദുരന്തത്തില് മരണപ്പെട്ടവരുടെ എണ്ണം 15 ആയി.
മരണ സംഖ്യ ഇനിയും ഉയരാൻ സാധ്യതയുണ്ട്. നിരവധി പേർ വാദിയില് കുടുങ്ങി കിടക്കുന്നുണ്ട്. ഇവർക്കായുള്ള തിരച്ചില് പുരോഗമിക്കുകയാണ്. പലയിടത്തും വാദികള് നിറഞ്ഞൊഴുകുകയാണ്. റോയല് ഒമാൻ പൊലീസിന്റെയും സിവില് ഡിഫൻസ് ആൻഡ് ആംബുലൻസ് അതോറിറ്റിയുടെയും നേതൃത്വത്തില് സ്ഥിതിഗതികള് നിരീക്ഷിച്ച് കൊണ്ടിരിക്കുയാണെന്ന് അധികൃതർ വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F