February 14, 2024
February 14, 2024
കുവൈത്ത് സിറ്റി: കുവൈത്തിൽ ബലൂണുകളുടെയും വാട്ടർ പിസ്റ്റലുകളുടെയും വിൽപന താൽക്കാലികമായി നിരോധിക്കുന്നു. രാജ്യത്തെ എല്ലാ വാണിജ്യ ഔട്ട്‌ലെറ്റുകളിലും ബലൂണുകൾ, വാട്ടർ പിസ്റ്റൾ, സ്‌പ്രിംഗ്‌ളറുകൾ എന്നിവയുടെ വിൽപ്പന നിരോധിക്കാൻ പദ്ധതിയിടുന്നതായി അൽ ഖബാസ് പത്രം റിപ്പോർട്ട് ചെയ്തു.
ദേശീയ ദിനം, വിമോചന ദിനം (ഫെബ്രുവരി 25, 26) എന്നിവയുടെ പശ്ചാത്തലത്തിൽ പരിമിത കാലത്തേക്കാണ് നിരോധനം ഏർപ്പെടുത്തുന്നതെന്നാണ് റിപ്പോർട്ട്. ദേശീയ ദിനാഘോഷവേളയിൽ കളിപ്പാട്ടങ്ങൾ ദുരുപയോഗം ചെയ്യുന്നതുമായി ബന്ധപ്പെട്ട പരാതികൾ കണക്കിലെടുത്താണ് മന്ത്രാലയം നിരോധനം ഏർപ്പെടുത്തുന്നത്.
ജലം പാഴാക്കുക, വാഹനാപകടങ്ങളുടെ വർദ്ധനവ്, ബലൂണുകളുടെയും വാട്ടർ പിസ്റ്റലുകളുടെയും അമിതമായ ഉപയോഗം മൂലം മറ്റുള്ളവരുടെ വസ്തുവകകൾക്ക് ഉണ്ടാകുന്ന ദോഷം എന്നിവ കണക്കിലെടുത്താണ് നടപടി. വെള്ളം നിറച്ച ബലൂണുകളും തോക്കുകളും അശ്രദ്ധമായി വലിച്ചെറിയുന്നത് മൂലം മുഖത്തിനും കണ്ണിനും പരിക്കേറ്റവരുടെ എണ്ണം വർഷം തോറും രാജ്യത്ത് രേഖപ്പെടുത്തുണ്ട്.
കൂടാതെ, ദേശീയ ദിനാഘോഷങ്ങൾക്കിടെ ബലൂണുകളും വാട്ടർ സ്പ്രിംഗളറുകളും എറിയുന്നതുൾപ്പെടെയുള്ള ധാരാളം അക്രമ കേസുകളും ആഭ്യന്തര മന്ത്രാലയം രജിസ്റ്റർ ചെയ്യാറുണ്ടെന്ന് വൃത്തങ്ങൾ അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
