January 24, 2024
January 24, 2024
കുവൈത്ത് സിറ്റി: കുവൈത്തില്‍ 2024 ഏപ്രില്‍ മാസത്തോടെ വിസാ നടപടികള്‍ പുനരാരംഭിക്കുമെന്ന് സൂചന. ഏപ്രിലിന് ശേഷം വിസയ്ക്കുള്ള അപേക്ഷാ നടപടികള്‍ ആരംഭിക്കാനുള്ള സര്‍ക്കാര്‍ നിര്‍ദേശം ആഭ്യന്തര മന്ത്രാലയം അംഗീകരിച്ചതായി കുവൈത്ത് ടൈംസ് റിപ്പോര്‍ട്ട് ചെയ്തു. അതേസമയം സന്ദര്‍ശന, കുടുംബ വിസകള്‍, എന്‍ട്രി വിസകള്‍ എന്നിവ പ്രത്യേക വിഭാഗങ്ങളിലേക്ക് പരിമിതപ്പെടുത്തുമെന്ന് പാര്‍ലമെന്ററി ഇന്റീരിയര്‍, ഡിഫന്‍സ് കമ്മിറ്റിയുമായി നടത്തിയ ചര്‍ച്ചയ്ക്ക് ശേഷം ആഭ്യന്തര മന്ത്രാലയം ആവര്‍ത്തിച്ചു.
പുതിയ താമസ നിയമത്തിന് ദേശീയ അസംബ്ലിയുടെ അംഗീകാരം ലഭിക്കുന്നതുവരെ നിയന്ത്രണം ഏര്‍പ്പെടുത്താനാണ് നീക്കം. വിസാ നടപടികളില്‍ ഭേദഗതി വരുത്തിയ ശേഷം ഫാമിലി വിസകള്‍ക്കായി പുതിയ നടപടിക്രമങ്ങള്‍ പ്രഖ്യാപിക്കും. വിസകള്‍ക്കുള്ള ഫീസും വര്‍ധിപ്പിക്കും.
ഫാമിലി വിസകള്‍ 16 വയസ്സിന് താഴെയുള്ള കുട്ടികള്‍ക്കും ജീവിത പങ്കാളികള്‍ക്കും രക്ഷിതാക്കള്‍ക്കും മാത്രമായി പരിമിതപ്പെടുത്തും. ഓരോരുത്തര്‍ക്കും വ്യത്യസ്ത ഫീസുകളും ഏര്‍പ്പെടുത്തും. അതേസമയം വിസ അനുവദിക്കുന്നതിന് കുറഞ്ഞത് 600 കുവൈത്ത് ദിനാര്‍ പ്രതിമാസ ശമ്പളം ഉണ്ടായിരിക്കണം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
