March 04, 2024
March 04, 2024
കുവൈത്ത് സിറ്റി: കുവൈത്തിൽ ക്യാമ്പുകൾ കേന്ദ്രീകരിച്ച് കവർച്ച നടത്തുന്ന രണ്ട് പേരെ അറസ്റ്റ് ചെയ്തു. ബാർ അൽ-സൽമി, അൽ-മുത്‌ല, അൽ-സബിയ, അംഘറ എന്നിവയുൾപ്പെടെയുള്ള നിരവധി പ്രദേശങ്ങളിൽ മോഷണം നടത്തിയ പ്രതികളാണ് പിടിയിലായത്. മോഷ്ടിച്ച വസ്തുക്കൾ ഓൺലൈൻ പ്ലാറ്റ്‌ഫോമുകളിലൂടെ വിൽപ്പന നടത്തുന്ന പ്രതികളാണ് പിടിയിലായത്. അൽ-അൻബ പത്രമാണ് ഇക്കാര്യം റിപ്പോർട്ട് ചെയ്‌തത്‌.
പ്രതികളെ പിടികൂടാൻ അന്വേഷണ ഉദ്യോഗസ്ഥരുടെ പ്രത്യേക യൂണിറ്റ് രൂപീകരിച്ചിരുന്നു. ദിവസങ്ങൾ നീണ്ട അന്വേഷണത്തിന് ശേഷം 26ഉം 28ഉം വയസ്സുള്ള പ്രതികളെ പിടികൂടുകയായിരുന്നു. ഇവർ നിലവിൽ തൊഴിൽരഹിതരാണെന്നാണ് വിവരം. അന്വേഷണത്തിൽ പ്രതികളുടെ പ്രവർത്തന കേന്ദ്രം ബാർ അംഘരയിൽ സ്ഥിതി ചെയ്യുന്ന ഒരു ക്യാമ്പാണെന്ന് വിവരം ലഭിക്കുകയും, തുടർന്ന് ഉദ്യോഗസ്ഥർ നടത്തിയ പരിശോധനയിൽ മോഷണ വസ്തുക്കളുടെ ശേഖരവും കണ്ടെത്തി. കൂടുതൽ ചോദ്യം ചെയ്യലിൽ, വിവിധ സ്ഥലങ്ങളിൽ മോഷണം നടത്തിയതായി പ്രതികൾ കുറ്റസമ്മതം നടത്തി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
