November 21, 2023
November 21, 2023
കുവൈത്ത് സിറ്റി: കുവൈത്തില് ജോലിക്ക് വരാതെ ആള്മാറാട്ടം നടത്തി ശമ്പളം കൈപ്പറ്റിയ കേസില് രണ്ട് പേര്ക്ക് കഠിന തടവും പിഴയും വിധിച്ചു. കൃത്രിമ വിരലടയാളം ഉണ്ടാക്കിയായിരുന്നു തട്ടിപ്പ്. തട്ടിപ്പ് നടത്തിയ സര്ക്കാര് ഉദ്യോഗസ്ഥനും ഇയാള്ക്ക് വേണ്ടി കൃത്രിമ ഹാജര് രേഖപ്പെടുത്തിയ വിദേശിക്കുമാണ് ശിക്ഷ വിധിച്ചത്. ഏഴ് വര്ഷത്തെ കഠിന തടവിന് പുറമേ ഇരുവരും ചേര്ന്ന് 1,13000 ദിനാര് പിഴ അടയ്ക്കാനും ഉത്തരവുണ്ട്.
ഉദ്യോഗസ്ഥന് ജോലിക്ക് വരാതെ ഇറാന്കാരനായ ഗുമസ്തന് വ്യാജ വിരലടയാളം നല്കി ഹാജര് രേഖപ്പെടുത്താന് പണം നല്കി ചുമതലപ്പെടുത്തുകയായിരുന്നെന്ന് കണ്ടെത്തിയതിനെ തുടര്ന്നാണ് നടപടി. കൃത്രിമ വിരലടയാളത്തിന് പുറമേ ജോബ് ഫയല് നമ്പര്, പാസ്വേര്ഡ് എന്നിവ ഉപയോഗിച്ചായിരുന്നു തട്ടിപ്പ്.
കേസില് അറസ്റ്റ് രേഖപ്പെടുത്തുന്നതിന് മുമ്പ് ഉദ്യോഗസ്ഥനെ ജോലിയില് നിന്ന് പിരിച്ചുവിട്ടിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F