August 26, 2023
August 26, 2023
കുവൈത്ത്: സർജറിയിലൂടെ വിരലടയാളത്തിൽ കൃതിമം വരുത്തിയ രണ്ട് ഇന്ത്യക്കാരെ കുറ്റാന്വേഷണ വിഭാഗം കുവൈത്തില്‍ അറസ്റ്റ് ചെയ്തു. അനധികൃത വിരലടയാള ശസ്ത്രക്രിയ നടത്തി കുവൈത്തിലേക്ക് കടന്നവരെയാണ് പിടികൂടിയതെന്ന് ആഭ്യന്തര മന്ത്രാലയം അറിയിച്ചു.
വിരലടയാളങ്ങൾ മാറ്റുന്നതിനായി വിരൽത്തുമ്പിന് മുകളിലെ പാളികൾ മുറിച്ചുമാറ്റുകയും ടിഷ്യുവിന്റെ ഒരു ഭാഗം നീക്കംചെയ്ത് വീണ്ടും തുന്നിക്കെട്ടിയുമാണ് പ്രതികൾ ശസ്ത്രക്രിയ നടത്തിയത്. കുവൈത്തില്‍ നിന്നും നാടുകടത്തപ്പെട്ടവരാണ് രാജ്യത്തേക്ക് തിരികെ പ്രവേശിക്കാൻ വിരലടയാള ശസ്ത്രക്രിയ നടത്തിയത്.
പിടികൂടിയ പ്രതികളെ ബന്ധപ്പെട്ട അധികാരികള്‍ക്ക് കൈമാറിയിട്ടുണ്ട്. സംഭവത്തിൽ വിശദമായ അന്വേഷണം പുരോഗമിക്കുകയാണ്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
