February 07, 2024
February 07, 2024
കുവൈത്ത് സിറ്റി: കുവൈത്തില് അനധികൃതമായി പരിശീലന സര്ട്ടിഫിക്കറ്റുകള് നല്കിയ സ്ഥാപനം വാണിജ്യ, വ്യവസായ മന്ത്രാലയം അടച്ചുപൂട്ടി. ആവശ്യമായ വാണിജ്യ ലൈസന്സുകളില്ലാതെ പ്രവര്ത്തിച്ചിരുന്ന പരിശീലന സ്ഥാപനമാണ് അടച്ചുപൂട്ടിയത്. രണ്ട് വര്ഷത്തെ പരിശീലന പരിപാടിക്കായി സ്ഥാപനം നല്കിയ പരസ്യം ശ്രദ്ധയില്പ്പെട്ടതിനെ തുടര്ന്നാണ് നടപടി.
നിയമവിരുദ്ധമായാണ് ഓഫീസ് പ്രവര്ത്തിക്കുന്നതെന്നും അന്വേഷണത്തില് കണ്ടെത്തിയിരുന്നു. പരസ്യപ്പെടുത്തിയ പരിശീലന പരിപാടി, പൊതു അതോറിറ്റിയിലെ സ്വകാര്യ പരിശീലന വകുപ്പ് നിശ്ചയിച്ചിട്ടുള്ള ലൈസന്സിംഗ് ചട്ടങ്ങള് ലംഘിച്ചതായും മന്ത്രാലയം കണ്ടെത്തി. നിയമലംഘനങ്ങള് കണ്ടെത്തിയതിന് പിന്നാലെ ഓഫീസ് നല്കുന്ന സര്ട്ടിഫിക്കറ്റുകളും അസാധുവാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F