September 06, 2023
September 06, 2023
കുവൈത്ത് സിറ്റി - കുവൈത്തിൽ സ്പോൺസറുടെ മകൻ പീഡിപ്പിച്ച് ഗർഭിണിയാക്കിയ സംഭവത്തിൽ ശ്രീലങ്കൻ വേലക്കാരിക്ക് (32 വയസ്സ്) 21,000 അമേരിക്കൻ ഡോളർ (68 ലക്ഷം ശ്രീലങ്കൻ രൂപ) നഷ്ടപരിഹാരമായി ലഭിച്ചു. സംഭവം അറിഞ്ഞ ഉടനെ സ്പോൺസർ ഗർഭഛിദ്രം നടത്താൻ ഡോക്ടറെ വീട്ടിലേക്ക് കൊണ്ടുവരികയായിരുന്നു. ഈ സംഭവത്തെ കുറിച്ച് പുറത്തറിയിക്കാതിരിക്കാൻ വേലക്കാരിയെ ഭീഷണിപ്പെടുത്തുകയും ചെയ്തു.
ഗർഭഛിദ്രത്തെ തുടർന്ന് ആരോഗ്യനില വഷളായ വേലക്കാരിയെ തൊഴിലുടമ സ്വദേശത്തേക്ക് തിരിച്ച് അയക്കാൻ എയർപോർട്ടിലെത്തിച്ചു. എന്നാൽ ആരോഗ്യനില വഷളായ യുവതിയെ വിമാനത്തിൽ കയറാൻ വിമാന കമ്പനി അധികൃതർ തടയുകയും കുവൈത്തിലുള്ള ശ്രീലങ്കൻ എംബസിയെ വിവരമറിയിക്കുകയുമായിരുന്നു. തുടർന്ന് തൊഴിലുടമക്കെതിരെ ശ്രീലങ്കൻ എംബസി കോടതിയിൽ കേസ് നൽകി.
തുടർന്ന്, യുവതിക്ക് 21,000 അമേരിക്കൻ ഡോളറിന് തുല്യമായ തുക നഷ്ടപരിഹാരം നൽകാൻ കുവൈത്ത് കോടതി വിധിക്കുകയായിരുന്നു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9