January 22, 2024
January 22, 2024
കുവൈത്ത് സിറ്റി: കുവൈത്തില് ഭക്ഷ്യവസ്തുക്കളുടെ അനിയന്ത്രിത വിലക്കയറ്റം നിയന്ത്രിക്കുന്നതിനായി പ്രത്യേക സമിതി രൂപീകരിക്കും. റമദാനില് വിലക്കയറ്റം രൂക്ഷമാകാനുള്ള സാധ്യത കണക്കിലെടുത്താണ് തീരുമാനം. രണ്ട് മാസത്തേക്കാണ് സമിതി രൂപീകരിക്കുക. വാണിജ്യ- വ്യവസായ മന്ത്രാലയത്തിന്റെ നേതൃത്വത്തില് രൂപീകരിക്കുന്ന പ്രത്യേക സമിതിയില് വാണിജ്യ, നിയന്ത്രണ, ഉപഭോക്തൃ സംരക്ഷണ മേഖലയിലെ വിദഗ്ദര് ഉള്പ്പെടും.
പ്രാദേശിക വിപണികള്, സഹകരണ സംഘങ്ങള്, മാര്ക്കറ്റുകള്, മാംസം, കോഴി, പയറുവര്ഗങ്ങള് തുടങ്ങിയ അവശ്യവസ്തുക്കള് വില്ക്കുന്ന സ്ഥാപനങ്ങള് എന്നിവിടങ്ങളിലെ ഭക്ഷ്യവസ്തുക്കളുടെ ലഭ്യതയിലും വിലനിര്ണ്ണയത്തിലും സമിതി മേല്നോട്ടം വഹിക്കും. റമദാന് കാലയളവില്, വിപണിയില് സ്ഥിരത ഉറപ്പാക്കുന്നത് ലക്ഷ്യമിട്ടുള്ള നടപടികളുടെ ഭാഗമായാണിതെന്നാണ് റിപ്പോര്ട്ട്. കൃത്രിമ വിലക്കയറ്റം കണ്ടെത്തുന്നതിനും പരിഹരിക്കുന്നതിനുമായി ഇന്സ്പെക്ടര്മാര് ക്രോസ് റഫറന്സ് ഇന്വോയ്സുകള് നല്കും. നിയമലംഘനം കണ്ടെത്തുന്ന സാഹചര്യത്തില് അറസ്റ്റ് അടക്കമുള്ള നടപടികളിലേക്കും കടക്കും. രാജ്യത്തേക്ക് ഇറക്കുമതി ചെയ്യുന്ന സാധനങ്ങളും ഇന്സ്പെക്ടര്മാര് ട്രാക്ക് ചെയ്യും. അവയുടെ അളവും തൂക്കവും പരിശോധിക്കുകയും ചെയ്യും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F