September 12, 2023
September 12, 2023
കുവൈത്ത് സിറ്റി: കുവൈത്തിലെ കലാസാംസ്കാരിക പ്രവർത്തകനും ആർട്ടിസ്റ്റും സീരിയൽ നിർമാതാവുമായിരുന്ന എം.വി. ജോൺ (62) അന്തരിച്ചു. മാവേലിക്കര പുന്നമൂട് സ്വദേശി മഠത്തിൽപറമ്പിൽ ജോണാണ് മരിച്ചത്. കുവൈത്ത് ചെസ്റ്റ് ആശുപത്രിയിൽ ചികിത്സയിലായിരുന്നു.
വിദഗ്ധ ചികിത്സയ്ക്കായി ജോണിനെ നാട്ടിലേക്കു മാറ്റാനുള്ള ശ്രമം നടന്നു കൊണ്ടിരിക്കുകയായിരുന്നു. പുന്നമൂട് എബനേസർ മാർത്തോമ്മാ ഇടവക, കുവൈത്ത് സെന്റ് തോമസ് മാർത്തോമ്മാ ഇടവക എന്നിവയിൽ അംഗവും, ഫോർമേറ്റ് കമ്യൂണിക്കേഷൻസിന്റെ സ്ഥാപകനുമായിരുന്നു. 'ആവർത്തനം' എന്ന മലയാള സീരിയൽ അദ്ദേഹം നിർമിച്ചിരുന്നു.
പിതാവ്: എം.എസ് വർഗീസ്, മാതാവ്: ചിന്നമ്മ വർഗീസ്. ഭാര്യ: മറിയാമ്മ ജോൺ. മക്കൾ: ജെറി ജോൺ വർഗീസ്, കൃപ മേരി ജോൺ. മൃതദേഹം നാട്ടിലേക്ക് കൊണ്ടുപോകാനുള്ള നടപടിക്രമങ്ങൾ പുരോഗമിക്കുകയാണ്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G