December 31, 2023
December 31, 2023
കുവൈത്ത് സിറ്റി: കുവൈത്തില്‍ മോഷ്ടാക്കളെ പിടികൂടാന്‍ പ്രത്യേക സംഘത്തെ രൂപീകരിച്ചു. ജഹ്‌റ ഗവര്‍ണറേറ്റില്‍ നടന്ന രണ്ട് വലിയ മോഷണങ്ങളിലെ പ്രതികളെ കണ്ടെത്താനാണ് പ്രത്യേക ടാസ്‌ക് ഫോഴ്‌സ് രൂപീകരിച്ചത്. രണ്ട് മോഷണങ്ങളിലായി ഏകദേശം 28,000 ദിനാറിന്റെ വസ്തുക്കളാണ് കുവൈത്തില്‍ മോഷണം പോയത്.
ഒരിടത്ത് നിന്ന് 11,121 ദിനാര്‍ മൂല്യം കണക്കാക്കുന്ന വിവിധ കേബിളുകള്‍, അനുബന്ധ സാധനങ്ങള്‍, ചെമ്പ് കണ്ടക്ടറുകള്‍ എന്നിവയാണ് കവര്‍ന്നത്. രണ്ടാമത്തെ കേസില്‍ ഫാമിന്റെ പ്രധാന വാതിലും ഇലക്ട്രിക്കല്‍, സ്റ്റോര്‍ റൂമുകളുടേയും വാതിലുകളും തകര്‍ത്തായിരുന്നു മോഷണം. ഇവിടെ നിന്ന് 16,750 ദിനാര്‍ വിലമതിക്കുന്ന രണ്ട് എ.സി യൂണിറ്റുകള്‍, രണ്ട് പവര്‍ ജനറേറ്ററുകള്‍, മൂന്ന് എയര്‍ സിലിണ്ടറുകള്‍ എന്നിവയും നഷ്ടപ്പെട്ടു. സംഭവത്തില്‍ ഡെപ്യൂട്ടി പബ്ലിക് പ്രോസിക്യൂട്ടറുടെ നേതൃത്വത്തില്‍ അന്വേഷണം പുരോഗമിക്കുകയാണ്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
