March 07, 2024
March 07, 2024
കുവൈത്ത് സിറ്റി: കുവൈത്തിൽ റമദാനിൽ ബാങ്കുകളുടെ സമയം പ്രഖ്യാപിച്ചു. സെൻട്രൽ ബാങ്ക് ഓഫ് കുവൈത്താണ് റമദാൻ സമയം സംബന്ധിച്ച സർക്കുലർ പുറത്തിറക്കിയത്. റമദാൻ മാസത്തിൽ രാവിലെ 10 മണി മുതൽ ഉച്ചയ്ക്ക് 1:30 വരെ ഉപഭോക്താക്കളെ സ്വീകരിക്കുമെന്ന് കുവൈത്ത് ബാങ്കിംഗ് അസോസിയേഷൻ ഡെപ്യൂട്ടി സെക്രട്ടറി ജനറൽ, ഷെയ്ഖ അൽ ഈസ പറഞ്ഞു.
വാണിജ്യ സമുച്ചയങ്ങളിൽ പ്രവർത്തിക്കുന്ന ബാങ്ക് ശാഖകൾക്ക് വെള്ളിയാഴ്ച ഒഴികെ രണ്ട് ഷിഫ്റ്റുകളുണ്ടാകും. ആദ്യ ഷിഫ്റ്റ് രാവിലെ 11 മണി മുതൽ ഉച്ചകഴിഞ്ഞ് 3.30 വരെയും, രണ്ടാമത്തേത് രാത്രി 8 മണി മുതൽ രാത്രി 11.30 വരെയും ആയിരിക്കും. അതേസമയം, കുവൈത്ത് അന്താരാഷ്ട്ര വിമാനത്താവളത്തിലെ എല്ലാ ബാങ്ക് ശാഖകളും 24 മണിക്കൂറും പ്രവർത്തിക്കും.
ഉപഭോക്താക്കൾക്ക് സ്മാർട്ട് ഫോണുകളിലെ ബാങ്ക് ആപ്ലിക്കേഷനുകൾ വഴിയോ കുവൈത്തിലെ വിവിധ പ്രദേശങ്ങളിൽ ലഭ്യമായ ഓട്ടോമേറ്റഡ് പിൻവലിക്കൽ, നിക്ഷേപ യന്ത്രങ്ങൾ വഴിയോ എല്ലാ ബാങ്കിംഗ് ഇടപാടുകളും പൂർത്തിയാക്കാൻ കഴിയുമെന്നും അസോസിയേഷൻ അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
