November 29, 2023
November 29, 2023
കുവൈത്ത്: കുവൈത്തിൽ ചെറിയ കുറ്റങ്ങള്‍ ചെയ്ത തടവുകാർക്ക് ശിക്ഷായിളവ് നല്‍കാനൊരുങ്ങി അധികൃതർ കഴിഞ്ഞ ദിവസം കുവൈത്ത് പ്രധാനമന്ത്രി ശൈഖ് അഹമ്മദ് നവാഫ് അൽ സബാഹിന്റെ അധ്യക്ഷതയിൽ ചേർന്ന മന്ത്രിസഭയിലാണ് ഇതു സംബന്ധിച്ച തീരുമാനമുണ്ടായത്.
തടവുകാലത്തെ നല്ലനടപ്പ് ഉൾപ്പെടെയുള്ള മാനദണ്ഡങ്ങൾ പരിഗണിച്ചായിരിക്കും ശിക്ഷയിൽ ഇളവ് പരിഗണിക്കുക. ദയാഹരജി നൽകുന്നതിനുള്ള കരട് മന്ത്രിസഭ അമീറിന് സമര്‍പ്പിച്ചു. കാരുണ്യത്തിന്റെ ഭാഗമായി അമീർ നേരത്തെയും തെരഞ്ഞെടുക്കപ്പെടുന്ന തടവുകാർക്ക് ശിക്ഷായിളവ് നല്‍കിയിരുന്നു. എന്നാൽ, ദേശീയ സുരക്ഷ, പൊതുമുതൽ ദുരുപയോഗം ചെയ്യൽ, കള്ളപ്പണ ഇടപാട് എന്നിവയുമായി ബന്ധപ്പെട്ട് ശിക്ഷ അനുഭവിക്കുന്നവരെ ശിക്ഷായിളവിന് പരിഗണിക്കാറില്ല.
അതേസമയം, കുവൈത്തിൽ പുരുഷ തടവുകാർക്കുള്ള സായാഹ്ന സ്കൂൾ തുറന്നതായി വിദ്യാഭ്യാസ മന്ത്രാലയ അസിസ്റ്റന്റ് അണ്ടർസെക്രട്ടറി മറിയം അൽ അനാസി അറിയിച്ചു. രാജ്യത്തെ എല്ലാ പൗരന്മാർക്കും മേന്മയുള്ള വിദ്യാഭ്യാസം ഉറപ്പാക്കുന്നതിന്റെ ഭാഗമായാണ് പദ്ധതി ആരംഭിച്ചതെന്ന് അധികൃതർ വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
