February 06, 2024
February 06, 2024
കുവൈത്ത് സിറ്റി: കുവൈത്തിൽ ദേശീയ ദിനത്തോടനുബന്ധിച്ച് ഫെബ്രുവരി 25, 26 (ഞായര്, തിങ്കള്) ദിവസങ്ങളില് പൊതുഅവധി പ്രഖ്യാപിച്ചു. ഇതോടെ വാരാന്ത്യ ദിവസമടക്കം (വെള്ളി, ശനി) 4 ദിവസമാണ് കുവൈത്തിൽ അവധി ലഭിക്കുക.
ദേശീയ ദിനവും വിമോചന ദിനവും പ്രമാണിച്ചാണ് അവധി. മന്ത്രാലയങ്ങള്, സര്ക്കാര് ഏജന്സികള്, പൊതു സംവിധാനങ്ങള്, സ്ഥാപനങ്ങള് എന്നിവയ്ക്ക് രണ്ടു ദിവസം അവധിയായിരിക്കുമെന്ന് ഔദ്യോഗിക പ്രസ്താവനയില് വ്യക്തമാക്കി. ശമ്പളത്തോടു കൂടിയുള്ള പൊതു അവധിയാണ് പ്രഖ്യാപിച്ചിരിക്കുന്നത്. അവധി കഴിഞ്ഞ് ഫെബ്രുവരി 27 (ചൊവ്വാഴ്ച) മുതല് പ്രവൃത്തിദിനം പുനരാരംഭിക്കും.
രാജ്യത്തിന്റെ സമ്പന്നമായ ചരിത്രത്തേയും നാഴികക്കല്ലുകളെയും ബഹുമാനിക്കുന്നതിനും ദേശീയ ദിനത്തിന്റെയും വിമോചന ദിനത്തിന്റെയും പ്രാധാന്യം പ്രതിഫലിപ്പിക്കുന്നതിനുള്ള അവസരമാണിത്. എല്ലാ ജീവനക്കാര്ക്കും ദേശീയദിനാഘോഷങ്ങളില് പങ്കുചേരാനുള്ള അവസരമൊരുക്കുന്നതിനുമാണ് രണ്ട് ദിവസം ഔദ്യോഗിക അവധി നല്കുന്നതെന്നും അറിയിപ്പില് വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F