February 01, 2024
February 01, 2024
കുവൈത്ത് സിറ്റി: കുവൈത്തില് 'അശല്' പ്ലാറ്റ്ഫോമിലൂടെ പാര്ട്ട് ടൈം വര്ക്ക് പെര്മിറ്റ് സേവനം ആരംഭിച്ചതായി പബ്ലിക് അതോറിറ്റി ഫോര് മാന്പവര് അറിയിച്ചു. വര്ക്ക് പെര്മിറ്റുകളുമായി ബന്ധപ്പെട്ട നിബന്ധനകളില് നിന്നും ഫീസില് നിന്നും ദേശീയ തൊഴിലാളികളെ ഒഴിവാക്കിയതായും അതോറിറ്റി വ്യക്തമാക്കി. തൊഴില് വിപണി മെച്ചപ്പെടുത്തുക, ബിസിനസ് ഉടമകള്ക്കുള്ള നടപടിക്രമങ്ങള് ലളിതമാക്കുക, ജനസംഖ്യാപരമായ അസന്തുലിതാവസ്ഥ പരിഹരിക്കുക തുടങ്ങിയ ലക്ഷ്യമിട്ടാണ് നടപടി.
അതേസമയം പാര്ട്ട് ടൈം വര്ക്ക് പെര്മിറ്റ് ലഭിക്കുന്നതിന് ജീവനക്കാര് തൊഴിലുടമകളില് നിന്ന് അംഗീകാരം നേടിയിരിക്കണം. ജോലി സമയം നാല് മണിക്കൂറില് കൂടരുതെന്നും നിബന്ധനയുണ്ട്. പ്രതിമാസം 5 ദിനാറാണ് പെര്മിറ്റിന് ഫീസായി ഈടാക്കുക. മൂന്ന് മാസത്തേക്ക് 10 ദിനാര്, ആറ് മാസത്തേക്ക് 20 ദിനാര്, വര്ഷം മുഴുവനും 30 ദിനാര് എന്നിങ്ങനെയാണ് ഫീസ് നിശ്ചയിച്ചിരിക്കുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F