December 28, 2023
December 28, 2023
കുവൈത്ത് സിറ്റി: കുവൈത്തില് സ്വകാര്യമേഖലയിലെ ജീവനക്കാരുടെ പാര്ട്ട് ടൈം, റിമോട്ട് ജോലികള് നിയമവിധേയമാക്കി. സ്വകാര്യ മേഖലയിലെ ജീവനക്കാര്ക്ക് അവരുടെ യഥാര്ത്ഥ സ്പോണ്സര്മാരല്ലാത്ത തൊഴിലുടമകള്ക്കായി പാര്ട്ട് ടൈം ജോലി ചെയ്യുന്നതിന് ആദ്യ ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് തലാല് അല് ഖാലിദ് അല് സബാഹ് അനുമതി നല്കി. 2024 ജനുവരി മുതല് നിയമം പ്രാബല്യത്തില് വരും. അതേസമയം മറ്റൊരു കമ്പനിയില് പാര്ട്ട് ടൈം ജോലി ചെയ്യുന്നതിന് ജീവനക്കാര് യഥാര്ത്ഥ തൊഴിലുടമയുടെ അനുമതി വാങ്ങണം. പാര്ട്ട് ടൈം ജോലികള് ഒരു ദിവസം പരമാവധി നാല് മണിക്കൂര് ആയിരിക്കണമെന്നും പബ്ലിക് അതോറിറ്റി പ്രസ്താവനയില് വ്യക്തമാക്കി.
കൂടാതെ, സ്വകാര്യ മേഖലയില് വിദൂര ജോലികള് അനുവദിക്കുന്നതിനും അതോറിറ്റി ഉത്തരവിട്ടു. ഇത് സംബന്ധിച്ച നടപടിക്രമങ്ങള് പൂര്ത്തിയാക്കാന് ആഭ്യന്തര മന്ത്രി പബ്ലിക് അതോറിറ്റി ഓഫ് മാന്പവറിന് നിര്ദേശം നല്കി. വിദേശത്ത് നിന്ന് തൊഴിലാളികളെ റിക്രൂട്ട് ചെയ്യുന്നതിന് പകരം രാജ്യത്ത് നിന്ന് തന്നെ തൊഴിലാളികളെ നിയമിക്കാന് കമ്പനികള്ക്ക് അനുമതി നല്കുന്നതിന്റെ ഭാഗമായാണ് പുതിയ തീരുമാനമെന്നും അധികൃതര് പ്രസ്താവനയില് വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F