January 08, 2024
January 08, 2024
കുവൈത്ത് സിറ്റി: കുവൈത്തിൽ സ്വകാര്യ മേഖലയിലെ തൊഴിലാളികൾക്ക് മറ്റു കമ്പനികളിൽ പാർട്ട് ടൈം ജോലി ചെയ്യാനുള്ള മാർഗനിർദേശങ്ങൾ പബ്ലിക് അതോറിറ്റി ഫോർ മാൻപവർ പുറത്തിറക്കി. വിദേശത്ത് നിന്ന് തൊഴിലാളികളെ റിക്രൂട്ട് ചെയ്യുന്നതിന് പകരം രാജ്യത്ത് നിന്ന് തന്നെ തൊഴിലാളികളെ നിയമിക്കാന് കമ്പനികള്ക്ക് അനുമതി നല്കുന്നതിന്റെ ഭാഗമായാണ് പുതിയ തീരുമാനമെന്നും അധികൃതര് അറിയിച്ചു.
അപേക്ഷകര് പബ്ലിക് അതോറിറ്റി വെബ്സൈറ്റിലെ ‘ഈസിയർ സർവിസ്’, ‘ഈസി ആപ്ലിക്കേഷൻ’ വഴി ആവശ്യമായ വിവരങ്ങള് നല്കണം. വെബ്സൈറ്റിൽ സബ്മിറ്റ് ചെയ്യുന്ന ഫോമുകള് നിലവിലെ സ്പോൺസറിൽ നിന്നുള്ള അംഗീകാരം ലഭിച്ച ശേഷം പാർട്ട് ടൈം ജോലി നല്കുന്ന തൊഴിലുടമയുടെ അംഗീകാരത്തിനായി നൽകും. രണ്ട് തൊഴിലുടമകളിൽ നിന്നും അംഗീകാരം ലഭിച്ചാൽ പെർമിറ്റ് അനുമതി നല്കും.
കുവൈത്തിലെ ആദ്യ ഉപപ്രധാനമന്ത്രിയും ആഭ്യന്തര മന്ത്രിയുമായ ഷെയ്ഖ് തലാല് അല് ഖാലിദ് അല് സബാഹാണ് സ്വകാര്യമേഖലയിലെ ജീവനക്കാരുടെ പാര്ട്ട് ടൈം, റിമോട്ട് ജോലികള്ക്ക് അനുമതി നല്കിയത്. പാര്ട്ട് ടൈം ജോലികള് ഒരു ദിവസം പരമാവധി നാല് മണിക്കൂര് ആയിരിക്കണം. പാർട്ട് ടൈം ജോലിക്കാരെ നിയമിക്കുന്നതോടെ സ്ഥാപനങ്ങൾക്ക് ചെലവ് നിയന്ത്രണത്തിനും വരുമാനം വർധിപ്പിക്കാനും കഴിയും. കുറഞ്ഞ ശമ്പളത്തിന് ചെറുകിട ജോലിയെടുക്കുന്ന പ്രവാസികൾക്കും അധിക വരുമാനം നേടാൻ പുതിയ തീരുമാനം ഗുണം ചെയ്യും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F