September 19, 2023
September 19, 2023
കയ്റോ : മുൻ ഒമാനി നയതന്ത്ര ഉദ്യോഗസ്ഥൻ ഹോദ് ബിൻ സൈഫ് അൽ അലവി ഈജിപ്തിൽ കൊല്ലപ്പെട്ടു. ഈജിപ്തിലെ അൽജീസ ഗവർണറേറ്റിലെ അൽമുഹന്ദിസീൻ ഡിസ്ട്രിക്ടിൽ താമസിക്കുന്ന ഫ്ളാറ്റിലാണ് അദ്ദേഹത്തെ ചോരവാർന്ന് കൊല്ലപ്പെട്ട നിലയിൽ കണ്ടെത്തിയത്. കവർച്ചക്കായി ഫ്ളാറ്റിൽ കയറിയ മോഷ്ടാക്കൾ അദ്ദേഹത്തെ കുത്തിക്കൊല്ലുകയായിരുന്നുവെന്ന് പോലീസ് അറിയിച്ചു.
കയ്റോ ഒമാൻ എംബസിയിൽ മീഡിയ അറ്റാഷെയായും, ഒമാൻ ഇൻഫർമേഷൻ മന്ത്രാലയത്തിൽ അസിസ്റ്റന്റ് ഡയറക്ടർ ജനറലായും അദ്ദേഹം പ്രവർത്തിച്ചിരുന്നു.
അതേസമയം, പ്രതികളെ അറസ്റ്റ് ചെയ്തതായി ഈജിപ്ഷ്യൻ ആഭ്യന്തര മന്ത്രാലയം അറിയിച്ചിട്ടുണ്ട്. ഈജിപ്തിലെ വനിതാ ശുചീകരണ തൊഴിലാളിയും ഡ്രൈവറുമാണ് അറസ്റ്റിലായത്. കൊലപാതകത്തിന് ശേഷം 14 മൊബൈൽ ഫോണുകളും, ഏഴു വാച്ചുകളും, ക്യാമറയും, പണവും സേഫും ഫ്ളാറ്റിൽ നിന്ന് സംഘം കൈക്കലാക്കിയിട്ടുണ്ട്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G