March 11, 2024
March 11, 2024
മസ്കത്ത്: ഒമാനില് നിരോധിത പുകയില ശേഖരം പിടികൂടി. സൗത്ത് അല് ബത്തിന ഗവര്ണറേറ്റിലെ ബര്ക്കാ വിലായത്തില് നടന്ന പരിശോധനയില് ആയിരത്തിലധികം പുകയില ഉല്പ്പന്നങ്ങള് പിടിച്ചെടുത്തു. പരിശോധനയില് 1660 പെട്ടികളില് സൂക്ഷിച്ചിരുന്ന പുകയില ച്യൂയിംഗങ്ങള് പിടികൂടിയതായി ഉപഭോക്തൃ സംരക്ഷണ അതോറിറ്റി (സിപിഎ) അറിയിച്ചു.
വിലായത്തിലെ ഉപഭോക്തൃ സംരക്ഷണ വകുപ്പ്, ഇന്സ്പെക്ഷന് ആന്ഡ് മാര്ക്കറ്റ് കണ്ട്രോള് വിഭാഗം,നോണ്-സ്മോക്ക്ഡ് പുകയില നിയന്ത്രണ വകുപ്പിന്റെ കണ്ട്രോള് ടീം എന്നിവര് സംയുക്താമായാണ് പരിശോധന നടത്തിയത്. നിരോധിത പുകയില ഉല്പ്പന്നങ്ങള് വില്പ്പന നടത്തുന്നതായി റിപ്പോര്ട്ട് ലഭിച്ചതിനെ തുടര്ന്നാണ് അധികൃതര് പരിശോധന നടത്തിയത്.
സംഭവത്തില് പ്രവാസികളെ അറസ്റ്റ് ചെയ്തതായി അതോറിറ്റി അറിയിച്ചു. കുറ്റം സമ്മതിച്ച പ്രതികളെ തുടര് നിയമ നടപടികള്ക്കായി ബന്ധപ്പെട്ട വകുപ്പിന് കൈമാറി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F