January 21, 2024
January 21, 2024
കുവൈത്ത് സിറ്റി: കുവൈത്തില്‍ അവിവാഹിതരായ പ്രവാസികള്‍ക്ക് സിവില്‍ ഐഡി കാര്‍ഡുകള്‍ അനുവദിക്കുന്നതിനും പുതുക്കുന്നതിനുമുള്ള നടപടിക്രമങ്ങള്‍ പബ്ലിക് അതോറിറ്റി ഫോര്‍ സിവില്‍ ഇന്‍ഫോര്‍മേഷന്‍ കര്‍ശനമാക്കി. വാടക കരാറുകളുടെ സമഗ്രമായ പരിശോധനയുടെ ഭാഗമായി, ഉടമയുടെ ഒപ്പും ഇനിമുതല്‍ സുക്ഷ്മമായി പരിശോധിക്കും . സ്വകാര്യ, റസിഡന്‍ഷ്യല്‍ ഏരിയകളില്‍ താമസിക്കുന്ന അവിവാഹിതരായ വ്യക്തികളുടെ സിവില്‍ കാര്‍ഡുകള്‍ ക്രോസ് റഫറന്‍സ് ചെയ്യുന്നതിന് ഒരു കമ്മിറ്റിയേയും അതോറിറ്റി നിയോഗിച്ചു.
അതേസമയം അവിവാഹിതരുടെ സ്വകാര്യ റസിഡന്‍ഷ്യല്‍ ഏരിയകളിലെ രജിസ്‌ട്രേഷന്‍ കര്‍ശനമായി നിരോധിച്ചതായി പബ്ലിക് അതോറിറ്റി ഫോര്‍ സിവില്‍ ഇന്‍ഫോര്‍മേഷന്‍ ഔദ്യോഗിക വക്താവ് ഖാലിദ് അല്‍ ഷമ്മാരി വ്യക്തമാക്കി. നിയന്ത്രണങ്ങള്‍ നടപ്പിലാക്കുന്നതിനായി ഓട്ടോമേറ്റഡ് സംവിധാനങ്ങള്‍ നിലവിലുണ്ടെന്നും അദ്ദേഹം പറഞ്ഞു. 2021 മുതല്‍ അതോറിറ്റിയുടെ വെബ്‌സൈറ്റിലൂടെയും സഹേല്‍ ആപ്പിലൂടെയും പ്രവാസികളുടെ വിവരങ്ങള്‍ ലഭ്യമാക്കിയിട്ടുണ്ട്. ഈ സേവനത്തിലൂടെ കെട്ടിട ഉടമകള്‍ക്ക് താമസക്കാരായ പ്രവാസികളുടെ വിവരങ്ങള്‍ അവലോകനം ചെയ്യാന്‍ കഴിയും. പരാതികള്‍ ഫയല്‍ ചെയ്യാനും വിവരങ്ങളില്‍ മാറ്റങ്ങള്‍ വരുത്താനും ഉടമകള്‍ക്ക് സേവനം ഉപയോഗിക്കാമെന്നും ഖാലിദ് അല്‍ ഷമ്മാരി വ്യക്തമാക്കി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
