January 03, 2024
January 03, 2024
കുവൈത്ത് സിറ്റി: കുവൈത്തിൽ സ്വകാര്യ മേഖലയിലെ ഫാർമസികൾക്ക് ലൈസൻസ് അനുവദിക്കുന്നത് താൽക്കാലികമായി നിർത്തിവെച്ചതായി ആരോഗ്യ മന്ത്രാലയം അറിയിച്ചു. സ്വകാര്യ മേഖലയിലെ ചില ഫാർമസികൾ സൈക്കോട്രോപിക് ഇനത്തിൽ പെട്ട മരുന്നുകൾ വില്പന നടത്തുന്നതിൽ ക്രമക്കേടുകൾ വരുത്തുന്നതായി പരാതികൾ ഉയർന്നതിന് പിന്നാലെയാണ് നടപടി.
സ്വകാര്യ ഫാർമസികളുടെ പ്രവർത്തനം സംബന്ധിച്ച പഠന റിപ്പോർട്ട് പൂർത്തിയാകുന്നതുവരെ ലൈസൻസ് അനുവദിക്കുന്നത് താൽക്കാലികമായി നിർത്തിവെക്കാൻ ആരോഗ്യമന്ത്രി ഡോ.അഹ്മദ് അൽ ആവാദിയാണ് പ്രത്യക ഉത്തരവ് ഇറക്കിയത്. ഇതിനായി മന്ത്രാലയത്തിന്റെ മേൽനോട്ടത്തിൽ കേന്ദ്ര ഇലക്ട്രോണിക് സംവിധാനം സ്ഥാപിക്കണമെന്ന ഉത്തരവും ഇറക്കിയിട്ടുണ്ട്. ഏതെല്ലാം മരുന്നുകൾ ഏതൊക്കെ രോഗങ്ങൾക്ക് വില്പന നടത്തിയെന്ന് അധികൃതർക്ക് മനസ്സിലാക്കാൻ സാധിക്കുന്ന തരത്തിലുള്ള റെക്കോർഡ് സൂക്ഷിക്കാൻ ഫാർമസികൾ ബാധ്യസ്ഥരാണെന്നും മന്ത്രാലയം വ്യക്തമാക്കി .
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F