December 31, 2023
December 31, 2023
കുവൈത്ത് സിറ്റി: കുവൈത്തില് എട്ടുവയസ്സുകാരിക്ക് 'ലിപ് ഫില്ലര്' കുത്തിവെയ്പ്പ് നല്കിയ ഡെര്മറ്റോളജി ആന്റ് ബ്യൂട്ടിക്ലിനിക്ക് ആരോഗ്യമന്ത്രാലയം അടച്ചുപൂട്ടി. കുത്തിവെയ്പ്പ് നല്കിയ ഡോക്ടറെ സസ്പെന്ഡ് ചെയ്യുകയും ചെയ്തു. ഫില്ലറുകള് കയറ്റി ചുണ്ടുകള്ക്ക് വലിപ്പം കൂട്ടുന്ന കുത്തിവെയ്പ്പാണ് ലിപ് ഫില്ലര്. കുത്തിവെയ്പ്പിന്റെ വീഡിയോ ദൃശ്യങ്ങള് സാമൂഹിക മാധ്യമങ്ങളില് ച്രചരിച്ചതിന് പിന്നാലെയാണ് നടപടി. കുത്തിവെയ്പ്പിന് വിധേയയായ കുട്ടിയുടെ അമ്മയാണ് സ്നാപ് ചാറ്റില് വീഡിയോ പങ്കുവെച്ചത്.
സംഭവത്തിന് പിന്നാലെ ക്ലിനിക്കിനെതിരെ നടപടി സ്വീകരിച്ചതായി സ്ഥിരീകരിച്ച് കുവൈത്ത് ആരോഗ്യമന്ത്രാലയം പ്രസ്താവന പുറത്തിറക്കി. സാങ്കേതിക പരിശോധനാ സംഘത്തിന്റെ കണ്ടെത്തലിന്റെ അടിസ്ഥാനത്തിലാണ് നടപടിയെന്നും രോഗികളുടെ അവകാശ ലംഘനം ഉള്പ്പെടെ നിരവധി നിയമലംഘനങ്ങള് കണ്ടെത്തിയതായും മന്ത്രലായം പ്രസ്താവനയില് വ്യക്തമാക്കി. ഡോക്ടറെ മെഡിക്കല് റെസ്പോണ്സിബിലിറ്റി അതോറിറ്റിലേക്ക് റഫര് ചെയ്യുകയും ചെയ്തു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F